သူရဲကောင်းဆိုတာ… အခန်း (၃) ၊ ဒုတိယပိုင်း

Daniel Kane၊         ၊အမေလာဖို့အတွက် ပြင်ဆင်မှုတွေလုပ်နေရတဲ့ အဖေ့အတွက် ဆုံးရှုံးမှုတွေလည်း
မနည်းလှပါဘူး။ လက်ရှိနေနေတဲ့ စံအိမ်ကြီးမှာ ကျနော်တို့ မိသားစုဝင်ငါးယောက်လုံးအတွက် နေရာ
ကမဆံ့တော့ နန်းရင်ပြင်ဘေးကျတဲ့၊ တယ်ရန်မြို့လယ်ခေါင်က ခီယာဘန်ခေါ့ခ်ျ (Khiaban Khoch)
လမ်းမပေါ်က
အိမ်ကြီးတလုံးမှာ ကျနော်တို့နေဖို့အတွက် အဖေကစီစဉ်ရပါတယ်။ အိမ်က အုတ်ကြမ်းအကြီး
စားတွေနဲ့ ဆောက်ထားတဲ့ သုံးထပ်တိုက်ပါ။ အဖေနဲ့ကျနော်တို့နေနေတဲ့ စံအိမ်ကြီးလို
တခမ်းတနားကြီး မဟုတ်သော်လည်း အိမ်ရဲ့အတွင်းပိုင်း ပြင်ဆင်မှုတွေက သက်တောင့်သက်သာရှိတဲ့
အနောက်တိုင်းပုံစံပါ။ တံခါးမကြီးကထွက်ရင် လမ်းမပေါ်ကိုရောက်ပြီး၊ အိမ်ဘေးမှာတော့ ပန်းဥယျာဉ်
တခုရှိပါတယ်။ သုံးထပ်မှာရှိတဲ့ ကျနော့်အိပ်ခန်းကနေ ပန်းဥယျာဉ်ရဲ့နံရံကိုကျော်ကြည့်ရင်တော့
အိမ်တွေ၊ ခြံဝင်းတွေ၊ တခြားပန်းဥယျာဉ်တွေနဲ့ လမ်းသွယ်တွေကို ဝင်္ကပါလိုမျိုး ရှုပ်ရှုပ်ထွေးထွေး
မြင်နေရပါတယ်။ လမ်းပေါ်ကကြည့်ရင်တော့ အဲဒါတွေကိုမမြင်နိုင်ပါဘူး။

ကျနော်တို့အိမ်သစ်ကို အလီနဲ့ယာဉ်မောင်းတို့လဲ လိုက်လာကြပါတယ်။ အဖေက အီရန်ဥယျာဉ်မှူးတယောက်၊ အိမ်အကူရုရှားအမျိုးသမီးတယောက်နဲ့ အရင်က ပြင်သစ်သံရုံးမှာ စားတော်ကဲလုပ်တဲ့ ကာရှက် (Kachev) ဆိုတဲ့စားတော်ကဲတယောက်ကို ငှားလိုက်ပါတယ်။ တယ်ရန်မှာက အစ်မတွေအတွက် သင့်တော်တဲ့ အင်္ဂလိပ်စကားပြော အထက်တန်းကျောင်းကလည်း မရှိတော့ အစ်မတွေကိုစာသင်ဖို့အတွက် ဆရာမတွေကိုလဲငှားလိုက်ပါတယ်။ အဲဒါတွေအားလုံးအတွက်ကုန်ကျစားရိတ်တွေကို အီရန်အစိုးရက အပြည့်အဝထောက်ပံ့ပေးပါတယ်။

အလက်ဇန္ဒရီးယားဆိပ်ကမ်း


အဲဒီလိုပြင်ဆင်နေတဲ့အချိန်မှာ အမေနဲ့အစ်မတွေက အီတလီခရီးသည်တင်သင်္ဘောကြီးတစီးပေါ်မှာ ဇိမ်နဲ့စတိုင်ကျကျနေပြီး အတ္တလန္တိတ်သမုဒ္ဒရာကို ဖြတ်လာနေကြလေရဲ့။ ဒီဇင်ဘာအစောပိုင်းကျတော့ သင်္ဘောက အီဂျစ်နိုင်ငံ၊ အလက်ဇန္ဒရီးယားဆိပ်ကမ်း (Port of Alexderia) မှာ ဆိုက်ပါတယ်။ အဖေက အဲဒီမှာ အမေတို့ကိုသွားကြိုပြီး ကိုင်ရိုလေဆိပ်ကိုခေါ်သွား၊ ကိုင်ရိုလေဆိပ်ကနေ ကုန်တင်လေယာဉ်တစီးနဲ့ တယ်ရန်ကိုခရီးဆက်လာကြပါတယ်။

အမေကသူရောက်လာပြီဆိုတာကို အိမ်ပေါ်ကိုခြေချလိုက်တာနဲ့ စတင်ပြသတော့တာပါပဲ။ ကာရှက်ရဲ့လက်ရာ နေ့လယ်စာစားပြီးရင်၊ အချိုတည်းဖို့ အဲန်းဘုရင်မဦးထုပ် (Queen Anne’s Bonnet) လို့အမည်ရတဲ့ ကိတ်မုန့်တမျိုးကို ကာရှက်ကတည်ခင်းလေ့ရှိပါတယ်။ အဲဒီကိတ်မုန့်ကဆိမ့်လွန်းတယ်လို့ အမေက ဆိုပါတယ်။ အဲဒါနဲ့ ကျနော်တို့လည်း အဲဒီကိတ်မုန့်လို အချိုပွဲမျိုးကို နောက်ဘယ်တော့မှမမြင်ရတော့ပါဘူး။ အမေက အဖေ့ရုံးခန်းထဲက မိသားစုဓါတ်ပုံတွေအားလုံးဖြုတ်ပြီး ဧည့်ခန်းထဲထည့်ထားလိုက်တယ်။ အဖေက ဧည့်ခန်းမှာ မိသားစုဓါတ်ပုံတွေမထားချင်ဘူး။ ဧည့်ခန်းကိုပုံမှန်အတိုင်းပဲထားချင်တော့ အဖေကအမေ့ကို သူ့သဘောထားကိုပြောပြပါသေးတယ်။ ဒါပေမယ့်လည်း အဲဒီလိုထားရင် အိမ်နဲ့မတူဘူးလို့ အမေကိုဆိုလေတယ်။ အဲဒီနောက်မီးဖိုချောင်ထဲ အမေဝင်သွားပြီး ချက်ပြုတ်တဲ့ အိုးခွက်ပန်းကန်တွေကို ပိုးသတ်ထားဖို့ ကာရှက်ကိုအမိန့်ပေးပါတော့တယ်။ စောဒကတက်သံတခွန်းမှ မကြားရပါဘူး။ မိသားစုဘဝထဲကို ကျနော်တို့ပြန်ရောက်လာပါပြီ။

ကျနော်ရလာတဲ့ တချို့အကျင့်စရိုက်သစ်တွေကို အမေကလုံးဝသဘောမကျပါဘူး။ ဥပမာဆိုရင် ကျနော့်ကို အကူဝန်ထမ်းတွေက ဝိုင်းကူပေးတာမျိုးလိုပေါ့။ အိမ်ထဲက အခန်းတိုင်းရဲ့ နံရံတွေပေါ်မှာ ခလုပ်တခုစီရှိပါတယ်။ အဲဒီခလုတ်တခုခုကို နှိပ်လိုက်မယ်ဆိုရင် မျက်လှည့်ပြလိုက်သလို အလီပေါ်လာမယ်။ အဲတော့..

အလီရေ…ကိုကာကိုလာတဗူးလောက်… လို့ ကျနော်က အလီ့ကိုပြောလိုက်ရင်…

ဟုတ်ကဲ့ ရပါတယ်… လို့ အလီကပြန်ပြောပြီးထွက်သွားမယ်။ ငါးမိနစ်လောက်နေရင် ကိုကာကိုလာတဗူးနဲ့ အလီပြန်ရောက်လာမယ်။ တကယ်အဆင်ပြေတယ်ဗျာ… ဒါပေမယ့် အမေရောက်လာပြီးတဲ့နေ့ကစပြီး ခလုတ်နှိပ်စရာမလိုတော့ပါဘူး။ ကိုကာကိုလာလိုချင်ရင် ကိုယ့်ဘာသာကိုယ်သာ ဆင်းယူပေတော့ဗျား.. အစိုးရအသစ်၊ ပေါ်လစီအသစ်ပေါ့ဗျာ။

ကျနော့် အိမ်အဝင်အထွက်တွေကိုလည်း အမေက မဆိုင်းမတွကန့်သတ်ပါတော့တယ်။ လူကြီးတွေနဲ့ အပြင်ထွက်ပြီး ပိုကာဖဲဝိုင်းပါတီတွေသွားတယ်ဆိုတာမျိုးကို အမေကမနှစ်သက်ပါဘူး။ ကျနော် လူကြီးတယောက်လို ဖြစ်လာတာ အရမ်းကိုမြန်လွန်းနေတယ်လို့ အမေက အဖေ့ကိုပြောလေရဲ့။ ခုဆိုအိမ်မှာကျနော်တယောက်တည်းကျန်ခဲ့တာ မဟုတ်တော့တဲ့အတွက် ညစာစားပွဲတွေနဲ့ အခမ်းအနားတွေကို ကျနော်လိုက်သွားစရာမလိုအပ်တော့ပါဘူး။ ညဘက်သွားစရာအခမ်းအနားတွေရှိရင် အဖေနဲ့သွားဖို့ အမေရှိနေပါပြီ။ အမေနဲ့အစ်မတွေက ကျနော့်ဘဝလေးကို ဖျက်ဆီးပစ်လိုက်သလိုမျိုး ကျနော်ခံစားရပါတယ်။ သူတို့က ကျနော့်ကို ဆယ့်နှစ်နှစ်သားလူငယ်လေးဘဝကို ပြန်ရောက်အောင် ဖိအားပေးနေကြတယ်လေ။

အဖေ့ခမျာလဲ အမေအရက်သောက်နေတာကို မထိန်းချုပ်နိုင်ဘူး။ ဒါပေမယ့် အမေက ဗိုလ်ချုပ်ကတော်ဖြစ်နေတဲ့ အနေအထားကိုတော့ သဘောကျပါတယ်။ အရေးကြီးရင်ကြီးသလို အမေက ထိန်းထိန်းသိမ်းသိမ်းနေပါတယ်။ အိမ်မှာနေရင်တော့ မူးလာရင် အစ်မတယောက်ယောက်ကို ဒါမှမဟုတ် ကျနော့်ကိုရစ်တော့တာပဲ။ အဲဒီအခါမျိုးမှာ အဖေကကြားဝင်ရပါတယ်။ ကျနော်တို့စားပွဲမှာထိုင်နေမိရင်၊

သားတို့…သမီးတို့… အိမ်စာလုပ်ဖို့အချိန်ရောက်ပြီ… သွားကြလေ…

လို့ဆိုပြီး ကျနော်တို့ကိုဝင်ကယ်တတ်ပါတယ်။ အဲဒီအခါကျရင်တော့ အမေ့ရဲ့တိုက်စစ်က အဖေ့ဘက်ကို မြှားဦးလှည့်သွားပါတယ်။ အဲဒီအတွက်တော့ အဖေ့ကိုလေးစားမိပါတယ်။ အမေ့ရဲ့ထိုးနှက်ချက်တွေကို စိတ်ဓါတ်ရေးရာအရာအရ အဖေကပိုပြီးခံနိုင်ရည်ရှိပါတယ်။ အဖေ့ကိုထိခိုက်အောင်လုပ်ရတာက ကျနော်တို့ကိုထိခိုက်နာကျင်အောင်လုပ်ရတာထက်တော့ ပိုခက်လိမ့်မယ်လို့တော့ ကျနော်ထင်မိတယ်။

အစ်မတွေဖြစ်တဲ့ ဆယ်လီနဲ့ရုသ်အဲန်းတို့ကတော့ တယ်ရန်မြို့ရဲ့ လူမှုအသိုင်းအဝိုင်းထဲမှာ မယုံနိုင်စရာကောင်းလောက်အောက်ကို ဝင်ဆံ့ကြလေရဲ့။ အခုဆို တယောက်က (၁၄ နှစ်) တယောက်က (၁၆ နှစ်) နဲ့ နှစ်ယောက်လုံးက အပျိုကြီးဖားဖားဖြစ်နေကြပြီလေ။ အီရန်စစ်ရဲတပ်က ရာထူးအကြီးဆုံးအရာရှိဖြစ်တဲ့ ဗိုလ်ချုပ်ကြီးမိုရှီရီ (Gen. Moshiri) မှာ ဆယ်လီနဲ့ရွယ်တူ အင်္ဂလိပ်စကားပြော အလွန်ကောင်းမွန်တဲ့ သမီးလေးတယောက်ရှိပါတယ်။ အဲဒီ ဗိုလ်ချုပ်ကြီးမိုရှီရီရဲ့ သမီးက ကျနော့်အစ်မတွေကို လူငယ်ယောက်ျားလေးတွေနဲ့ မိတ်ဆက်ပေးလေရဲ့။ အဲဒါနဲ့ ကျနော့်အစ်မနှစ်ယောက်လုံး အီရန်ရည်းစားတွေ ရကုန်ကြရောဗျား။ ဆယ်လီဆို သုံး၊ လေးယောက်လောက်ကိုရှိမယ်။ အဲဒါကိုတော့ ကျနော်တော်တော်အံ့သြတယ်ဗျာ။ ဆယ်လီ့ပုံက တကယ့်ယောက်ျားရှာဂိုက်လေ။

ရှားဘုရင်၏ဖအေတူမအေကွဲ ညီအကိုဖြစ်သူ အီရန်မင်းသားဂိုလဲမ်ရေဇာပါလာဗီ

ဆယ်လီ့ရည်းစားတယောက်က ရှားဘုရင်ရဲ့ ဖအေတူမအေကွဲ မင်းသား ဂိုလဲမ် (Gholam) ပေါ့။ ဆယ်လီနဲ့ မင်းသားဂိုလဲမ်နဲ့က ဂိုလဲမ် ပရင့်စ်တန်မှာ ကျောင်းလာတက်တုန်းကတည်းက ဆုံခဲ့ကြတာလေ။ မင်းသားဂိုလဲမ်က အနောက်တိုင်းသူတယောက်နဲ့ ကြိုက်နေတယ်ဆိုတာကို အီရန်လူမျိုးတွေက ပြဿနာတရပ်လို့ ထင်မြင်နေကြတယ်။ အဲဒီတော့ သူတို့နှစ်ယောက် အပြင်မှာဆုံကြတိုင်း ပြတင်းပေါက်တွေမှာ ခန်းဆီးလိုက်ကာလေးတွေနဲ့ပိတ်ထားတဲ့ ဗင်ကားတစီးနဲ့သွားကြရတယ်။

အဲလိုနဲ့ ဂိုလဲမ်နဲ့ ကိစ္စပြတ်သွားတော့ နောက်ထပ်ရလာတဲ့ ရည်းစားတယောက်ကတော့ ဂျင်မီလို့ခေါ်တဲ့ အီရန်နိုင်ငံရဲ့ ဟဲဗီးဝိတ်လက်ဝှေ့ချန်ပီယံလေ။ ဂျင်မီက ဆယ်လီ့ကိုအပြင်ထွက်ဖို့လာခေါ်တော့၊ ဒီလိုလူစားမျိုးနဲ့ သမီးရည်းစားလုံးဝဖြစ်လို့မရဘူးလို့ အဖေကပြောလေရဲ့။ အဲဒီမှာ အရာအားလုံးသာတူညီမျှရှိရမယ်ဆိုတဲ့ သဘောထားရှိတဲ့ အမေကကြားဝင်လာပါလေရော။

အဓိပ္ပာယ်မရှိလိုက်တာ… သူကြိုက်တဲ့လူနဲ့တွဲပါစေ…

လို့အမေကပြောလေရဲ့။ အဲဒီတော့ ပဲလေ့စ်ဟော်တယ် (Palace Hotel) က လေညှင်းခံတဲ့နေရာမှာ ကဖို့ ဂျင်မီက ကျနော့်အစ်မဆယ်လီကို ခေါ်သွားတာပေါ့။ အဲဒီကိစ္စကို သံတမန်အသိုင်းအဝိုင်းမှာ အတင်းအုပ်တဲ့အသံတွေလဲထွက်လာတော့မှ ဒီကိစ္စကိုရပ်တန်းကရပ်သင့်ပြီဆိုတဲ့အကြောင်းကို အဖေက အမေ့ကိုနားချလိုက်ပါတော့တယ်။

နောက်အစ်မတယောက်ဖြစ်တဲ့ ရုသ်အန်းကတော့ လူတယောက်နဲ့ပဲ ရည်းစားဖြစ်ခဲ့တယ်။ အဲဒီလူကတော့ ဗိုလ်ချုပ်ကြီးမိုရှီရီရဲ့သားတော်မောင် ချိန်းဂျက်စ် (Changes) ပါ။ သူကတော့ လူကြီးလူကောင်းဆန်ဆန်နဲ့ အသိညဏ်ထက်ထက်မြက်မြက်ရှိတယ်၊ ခပ်ငြိမ်ငြိမ်နဲ့တသီးတသန့်နေတတ်ပြီး စိတ်ဓါတ်အင်အားကောင်းလှတဲ့ပုံပေါ်ပါတယ်။ ချိန်းဂျက်စ်က တခြားလူငယ်တွေက လေးစားမှုထားလာစေရတဲ့ သဘာဝအလျောက် ခေါင်းဆောင်မှုမျိုးကိုပိုင်ဆိုင်ပါတယ်။ ရုသ်အဲန်းကိုလည်း အိနြေ္ဒရရနဲ့ တည်ငြိမ်မှုရှိစေတယ်လို့ ထင်ရတယ်။ တယ်ရန်မှာနေရတဲ့ အချိန်တွေက ရုသ်အန်းအတွက် အပျော်ရွှင်ရဆုံးအချိန်တွေဆိုတာကိုတော့ ကျနော်ကောင်းကောင်းမှတ်မိပါတယ်။

အစ်မတွေနဲ့ သူတို့ရဲ့မြည်တွန်တောက်တီးမှုတွေကို ကျနော်ကြိုးစားပြီး မသိချင်ယောင်ဆောင်ပါတယ်။ ကျနော့်ရဲ့လွတ်လပ်ရေးတွေ ကျုံ့သွားပေမယ့် လောရဲန့်စ်ဗီးလ် (Lawrenceville) မှာတုန်းကထက်စာရင်တော့ အများကြီးပိုလွတ်လပ်မှုရှိလာပါတယ်။ ကျနော်လုပ်ချင်တာလေးတွေလုပ်မယ်၊ အဖေ့လူတွေနဲ့ အမဲလိုက်မယ်၊ အင်္ဂလိပ်တွေနဲ့တင်းနစ်ကစားမယ်၊ ကျနော့်အခင်ဆုံးသူငယ်ချင်း မိုက်ကယ်နဲ့အတူ တယ်ရန်မြို့ကိုပတ်ပြီး သူငယ်ချင်းနှစ်ယောက်စက်ဘီးစီးကြမယ်။ အဲဒီတုန်းက ကျနော်တို့အကြိုက်ဆုံးကစားနည်းတခုက တယ်ရန်မြို့လယ်ခေါင်ကနေ ရှဲမ်ရဲန်း (Shemran) တောင်ကုန်းတွေဆီကိုသွားတဲ့ အီရန်ဘတ်စ်ကားအိုကြီးတစီးပေါ်ကို ကျနော်တို့စက်ဘီးတွေတင်ပြီး လျှောက်သွားရတာကိုပဲ။ တောင်ကုန်းတွေက စိမ်းစိုနေပြီး အပင်တွေကခပ်စိပ်စိပ်ပေါက်နေကြတယ်။ အဲဒီမှာ ဆိတ်အုပ်၊ သိုးအုပ်တွေကို ကျောင်းနေကြတဲ့ လူတွေ၊ ဗာဒံစိုက်ခင်းတွေနဲ့ ဖရဲခင်းတွေရှိတယ်လေ။ ဘတ်စ်ကားက စိုက်ပျိုးရေးလုပ်ငန်းလုပ်တဲ့ရွာတရွာရဲ့ ဈေးနေရာမှာရပ်ပေးတယ်။ ကျနော်တို့လဲ စက်ဘီးတွေပေါ်ပြန်တက်ပြီး၊ တယ်ရန်မြို့ဘက်ကို ပြန်လာခဲ့ကြတယ်။ အပြန်လမ်းမှာတော့ မြည်းလှည်းတွေ၊ ကုလားအုတ်လှည်းတန်းတွေနဲ့ ယှဉ်ပြီးနင်းလာရတာပေါ့။

နန်းရင်ပြင်နားမှာနေရတော့၊ အရင်စံအိမ်ကြီးတုန်းကနဲ့စာရင် မြို့ပြဘဝနဲ့ အလှမ်းဝေးသွားတယ်။ ဆိုဗီယက်တပ်တွေတပ်စွဲထားတဲ့ အဇာဘိုင်ဂျန် (Azerbaijan) နဲ့ ကာဒစ္စတန် (Kurdistan) ပြည်နယ်တွေကို အီရန်တပ်တွေဝင်သွားခဲ့တာ လပေါင်းများစွာကြာပြီးတော့… ဧပြီလအတွင်း တနေ့ကျတော့ ကျနော်တို့ အိမ်တံခါး ရှေ့ကလည်း ဖြတ်သွားရတဲ့ အောင်ပွဲခံအခမ်းအနားတခုကို ရှားဘုရင်က ကျင်းပခဲ့ပါသေးတယ်။ အဇာဘိုင်ဂျန်ဟာအီရန်ပိုင်နက်ဖြစ်တယ်လို့ တရားဝင်ကြေငြာဖို့ ရှားဘုရင်က အဇာဘိုင်ဂျန်ကိုတရားဝင်ခရီးစဉ်တခု သွားရောက်ခဲ့ပါတယ်။ ရှားဘုရင်ရဲ့ အိမ်အပြန်ခရီးကို သူရဲကောင်းတယောက်ကိုကြိုဆိုခြင်းမျိုးလုပ်ဖို့ ရှားဘုရင်ကိုထောက်ခံသူတွေက စီစဉ်ပါတယ်။ လေဆိပ်ကနေ နန်းတော်ကိုလာတဲ့ လမ်းတလျှောက်လုံးမှာ သစ်သားနဲ့ အမိုးခုံးတွေအများကြီးဆောက်ကြရော။ တချို့အမိုးခုံးတွေကို ပါရှန်ကော်ဇောတွေနဲ့ပတ်၊ တချို့အမိုးခုံးတွေကိုတော့ တိရစ္ဆာန်ခေါင်းတွေနဲ့ ရှုပ်ရှုပ်ထွေးထွေးဒီဇိုင်းတွေနဲ့ တန်ဆာဆင်ထားကြတယ်

စစ်ဝတ်စုံနှင့်တွေ့ရသောရှားဘုရင် (ဝဲ)

ရှားဘုရင်ပြန်ရောက်လာတဲ့ မနက်ကျတော့ လူထောင်ပေါင်းများစွာက ကြိုဆိုနှုတ်ဆက်ကြပါတယ်။ ရှားဘုရင်ရဲ့ယာဉ်တန်းက ကျနော်တို့အိမ်ရှေ့ကလမ်းမကြီးပေါ်မှာ ဖြည်းဖြည်းချင်း ရွေ့လျားလာပါတယ်။ အမိုးခုံးတခုအနား ရှားဘုရင်ရဲ့ ကားရောက်လာတိုင်း လူတွေက ဆိတ်တွေနဲ့ သိုးတွေကိုလည်လှီးပြီး လည်ချောင်းသွေးတွေကို လမ်းပေါ်ကိုစီးစေပါတယ်။ ရှားဘုရင်ရဲ့ကားက အဲဒီလည်ချောင်းသွေးတွေပေါ်က ဖြတ်သွားပါတယ်။ ကျနော်တို့အိမ်ဘေးက အမိုးခုံးကလူတွေဆို အစောင့်ရဲတွေကျော်သွားတာနဲ့ တိရစ္ဆာန်တွေကို လည်လှီးတော့တာပါပဲ။ သွေးတွေက လမ်းပေါ်မှာအနှံ့အပြားပါပဲ။ ဒါပေမယ့်ရှားဘုရင်ကရောက်မလာသေးပါဘူး။ ရှားဘုရင်လဲ ရောက်လာရော သွေးတွေကခဲနေပါပြီ။ ရွှေရောင်ကြယ်သီးတွေခပ်များများပါတဲ့ ကာကီရောင်ယူနီဖေါင်းနဲ့ ပိန်ပိန်ပါးပါးလူငယ်တဦး အသွင်ရှိတဲ့ ရှားဘုရင်ကို သူ့ရဲ့လီမိုဆင်း (Limousine) ကားထဲမှာ ကျနော်လဲတွေ့ရပါတယ်။

လူတွေကသူတို့ရဲ့ယာဇ်ပူဇော်မှုကို ရှားဘုရင်လွတ်သွားတာမလိုလားကြတော့ အဲဒီအမိုးခုံးကလူတွေက တိရစ္ဆာန်အသေတွေကို လမ်းပေါ်ဆွဲတင်လိုက်ကြတယ်။ ပြီးတော့ သွေးထွက်လာအောင် အဲဒီအသေကောင်တွေပေါ်ကို တက်ခုန်ကြလေရဲ့။ အဲဒါကိုရှားဘုရင်က အသိအမှတ်ပြုတယ်။ အဲဒီကျတော့ အဲဒီလူတွေက သေနေတဲ့တိရစ္ဆာန်တွေကို လမ်းဘေးပြန်ဆွဲချလိုက်ကြတော့မှ ရှားဘုရင်လည်းရှေ့ဆက်သွားပါတယ်။

ကျနော်တို့ အိမ်သစ်ရောက်တော့မှ ကျနော်လဲ အဖေ့အလုပ်နဲ့ပတ်သက်ပြီး ပိုသိလာရတယ်။ စစ်ရဲတပ်နဲ့ပတ်သက်တဲ့ အလုပ်တွေအပြင် ကျနော်ဘယ်တော့မှနားမလည်တဲ့ လျှို့ဝှက်ကိစ္စတွေလည်းရှိပါတယ်။ အရင်အိမ်ကြီးမှာတုန်းကတော့ မြေအောက်ထပ်ကရုံးခန်းထဲကိုလာကြတဲ့ လူတွေကိုကျနော်သိပ်သတိမထားမိခဲ့ဘူး။ ဒါပေမယ့် ခီယာဘန်ခေါ့ခ်ျအိမ်သစ်မှာကျတော့၊ ထူးဆန်းတဲ့ပုံစံနဲ့လူတွေက တခါတလေ တံခါးလာခေါက်တတ်ကြတယ်။ ကျနော်သွားကြည့်ရင် ညစ်တီးညစ်ပတ်၊ ဖရိုဖရဲပုံစံနဲ့ အီရန်လူမျိုးတယောက်ကိုတွေ့ရတယ်။ စစ်ရဲတပ်က ကျနော်နဲ့သိကျွမ်းတဲ့လူတွေပုံစံမျိုးလဲမဟုတ်ဘူး။ ဒါပေမယ့် အဲဒီလူက အင်္ဂလိပ်စကားကို ပထမတန်းစားပြောနိုင်တယ်။

ဗိုလ်ချုပ်နဲ့ချိန်းထားလို့ပါ… လို့ ပြောတယ်။ အဲဒီမှာ အဖေရောက်လာပြီး.. ဟုတ်တယ်သားရေ…သူ့ကိုပေးဝင်လိုက်ပါ… လို့ပြောရော။ ပြီးရင် အဖေက… သား..အဲဒီလူကိုတွေ့ခဲ့တယ်ဆိုတာကို မေ့ပစ်လိုက်… လို့ တခါတလေပြောတတ်ပါတယ်။  ကျနော်လဲ အဲဒီလူတွေကို မသိပမယ့်… ဟုတ်ကဲ့အဖေ… လို့ပဲပြောလိုက်ပါတယ်။ အဲဒီတွေ့ဆုံမှုလေးတွေက ဆိုဗီယက်တွေနဲ့ ထိပ်တိုက်ရင်ဆိုင်ဖို့ကိစ္စတွေနဲ့ ပတ်သက်တယ်လို့တော့ ကျနော်ထင်မိတယ်။ ဒီလူတွေက ထောက်လှမ်းရေး (Agent) တွေလိုမျိုးပေါ့။ ဒါပေမယ့်လည်း မေးခွန်းတွေသိပ်မမေးတာဟာ ဗိုလ်ချုပ်သားတယောက်ဖြစ်ရတဲ့ ဘဝရဲ့ တစိတ်တဒေသဆိုတာ ကျနော်သိခဲ့ရပါတယ်။

ဂျီနီဗာနိုင်ငံတကာကျောင်း (Ecole Internationale de Geneva)

အဲဒီနှစ်နွေဦးမှာတော့ ကျနော်တို့ မောင်နှမတွေဘယ်မှာကျောင်းသွားတက်ကြမလဲ ဆိုတာနဲ့ ပတ်သက်ပြီး တော်တော်ဆွေးနွေးဖြစ်ခဲ့ကြပါတယ်။ အစ်မတွေအတွက် ငှားထားတဲ့ ဆရာတွေကို ယာယီအဖြစ်ပဲ အဖေနဲ့အမေကမှန်းထားကြပါတယ်။ ကျနော်ကလည်း မစ်ရှင်ကျောင်းမှာ ကိုးတန်း (8th Grade) ကိုအတန်းကျော်တက်နေတော့ အထက်တန်းကျောင်း (High School) တက်ဖို့အဆင်သင့်ဖြစ်နေပါပြီ။ အနီးဆုံးမှာရှိတဲ့ အမေရိကန်ကျောင်းတွေကတော့ အမေရိကန်တပ်မိသားစုတွေအတွက်ဖွင့်လှစ်ထားတဲ့၊ မဟာမိတ်တွေသိမ်းထားတဲ့ မိုင်ပေါင်း (၂၄၀၀) အကွာက ဂျာမနီနိုင်ငံမှာပါ။ ဒါပေမယ့်အဲဒီကျောင်းတွေက နေ့ခင်းစာသင်ပြီးအိမ်ပြန်ရတဲ့ နေ့ကျောင်း (Day School) တွေပါ။ အဲဒီမှာဆိုရင်တော့ ကျနော်တို့ကိုကြည့်ရှုစောင့်ရှောက်ဖို့နဲ့ ကျနော်တို့နေဖို့ အိမ်ရှာရပါဦးမယ်။ နောက်ဆုံးမှာတော့ အဖေ့ရဲ့သံတမန်မိတ်ဆွေတွေရဲ့ အကြံပြုချက်တွေအရ ဆွဇ်ဇာလန်နိုင်ငံ၊ ဂျီနီဗာမြို့က ကျောင်းအိပ်ကျောင်းစားနေရတဲ့ (Boarding School) တခုဖြစ်တဲ့ ဂျီနီဗာနိုင်ငံတကာကျောင်း (Ecole Internationale of Geneva) ကို အဖေနဲ့အမေတို့ ရွေးချယ်လိုက်ကြပါတယ်။

ဆယ်လီနဲ့ ရုသ်အဲန်းတို့ကတော့ အပျော်လုံးဆို့သွားကြလေရဲ့။ အဲဒီဆွစ်ကျောင်းက သူတို့မှန်းထားတဲ့ ပုံစံနဲ့ကွက်တိပဲ။ ကျနော့်ဘာသာကျိတ်တွေးမိတာကတော့ အဖေနဲ့အမေက သူတို့ကို နီဝပ်ခ်ပြန်ပို့ပြီး အဘွားရွှပ်ဇကော့ဖ်နဲ့နေခိုင်းမှာကို သူတို့နှစ်ယောက်က တော်တော်လန့်နေတဲ့ပုံပဲ။ ဆွစ်ဇာလန်နိုင်ငံ (Switzerland) ဆိုတာ ဘယ်လိုမျိုးမှန်းကျနော်လဲမသိသေးဘူး။ ဆွစ်ဇာလန်နိုင်ငံ အကြောင်းလဲသိချင်တယ်၊ အဲဒီကျောင်းမှာလဲ နေကြည့်လိုက်ချင်သေးတယ်။ ဘယ်လိုပဲဖြစ်ဖြစ် အဲဒီနှစ်ဇွန်လကျရင်တော့ အီရန်ကိုပြန်လာရဦးမှာပဲ ဆိုတာကိုတော့ ကျနော်တွက်မိပါတယ်။

ခွဲခွာကာနီး နှုတ်ဆက်တဲ့အနေနဲ့ အဖေ့တပည့် အမေရိကန်တွေနဲ့ အီရန်တွေက အထူးအမဲလိုက်ပွဲ (Special Hunt) ဆင်နွှဲဖို့ ကျနော့်ကိုဖိတ်ခေါ်ကြပါတော့တယ်။ အဲဒီအချိန်မတိုင်မီအထိတော့ အမဲလိုက်တာနဲ့ပတ်သက်ပြီး ကျနော့်အတွေ့အကြုံတွေက အဖေရယ်၊ တခြားလူတယောက်၊ နှစ်ယောက်လောက်နဲ့ တယ်ရန်မြို့နားက တောင်ကုန်းတွေပေါ်မှာ အမဲလိုက်ထွက်ဖူးတာပဲရှိတယ်။ အဲဒီလိုနေ့မျိုးတွေကျရင် ကျောက်တုံးတွေပေါတဲ့ တောင်ကုန်းတွေပေါ်မှာ ရိုင်ဖယ်သေနတ်တွေလွယ်ပြီး တက်လိုက်ဆင်းလိုက်နဲ့လျှောက်နေရတယ်။ ကျနော်တော့ တခါမှပစ်တာခတ်တာမလုပ်ပါဘူး။ ဒါပေမယ့် အခုတခေါက်အမဲလိုက်ထွက်တာကတော့ ခါတိုင်းနဲ့မတူတော့ဘူးလေ။

အခုတခေါက်ကျတော့ မြည်းရိုင်းကို အမဲလိုက်ဖို့ ကျနော်တို့ သဲကန္တာရထဲမှာ ညလုံးပေါက်သွားနေကြရမှာပါ။ မြည်းတွေကိုတွေ့နိုင်တဲ့ ကမ္ဘာပေါ်u ကန္တာရအနည်းစုလေးထဲမှာ အီရန်သဲကန္တာရက တခုအပါအဝင်ပါ။ အဲဒီမြည်;တွေမှာရှိတဲ့ ရှည်လျားတဲ့ အညိုနဲ့မီးခိုးရောင် အမွှေးတွေကြောင့် သူတို့ကို တကယ့်ကိုရှားပါးသတ္တဝါအဖြစ် လူတွေက အလွန်တန်ဖိုးထားတတ်ကြပါတယ်။ ကံကောင်းထောက်မလို့ ကန္တာရထဲမှာ မြည်းအုပ်နဲ့တိုးမိတဲ့ မုဆိုးတွေကျတော့လည်း အပိုင်ပစ်နိုင်တဲ့ အကွာအဝေးကိုရလေ့မရှိကြပါဘူး။

မွန်းလွဲပိုင်းလောက်မှာ အမိုးဖွင့်စစ်ထရပ်ကားတစီးနဲ့ ကျနော်တို့ထွက်လာခဲ့ကြပါတယ်။ အီရန်စစ်ရဲတပ်ဖွဲ့ဝင် (၁၀) ယောက်ရယ်၊ နောက်ထပ်အမေရိကန် (၃) ယောက်ရယ်၊ ကျနော်ရယ်ပေါ့။ ရာထူးကြီးတဲ့အရာရှိတွေတော့မပါဘူး။ အားလုံးက ရဲဘော်ရဲဘက်တွေလိုပါပဲ။ ရာသီဥတုကလဲ အလွန်ပူပြင်းလှတယ်။ အရင်နှစ်နွေရာသီတုန်းက အီရတ်လေဆိပ်မှာကြုံခဲ့ရတဲ့ မီးဖိုထဲရောက်နေသလိုမျိုး အပူချိန်ပါပဲ။ ဒါပေမယ့် ဒီတခေါက်မှာတော့ အပူဒဏ်ကိုခံနိုင်ရည် ရှိသွားပါပြီ။ ကျနော်ကတော့ အဲဒီကရာသီဥတုကိုကြိုက်ပါတယ်။ ကျနော့်အသားတွေဆိုလဲ နေလောင်ခံရတာ ဂိတ်ဆုံးသွားလို့ထင်ပါရဲ့၊ နောက်ထပ်မဲတောင်မမဲတော့ဘူး။ အရွယ်စုံရှိတဲ့ ရွာတွေတော်တော်များများကို ဖြတ်ပြီး ကျနော်တို့မြို့ပြင်ဘက်ကို မောင်းထွက်လာခဲ့ကြတယ်။ နောက်ဆုံးရွာကိုရောက်တော့ ဖရဲသီးတွေဒါဇင်အတော်များများဝယ်လိုက်ကြတယ်။ ပါရှန်လူမျိုးတွေက ရေဗူးနဲ့ရေမဆောင်ကြဘူး၊ ရေဆာရင်ဖရဲသီးစားကြပါတယ်။ နေလုံးကျသွားတော့မှ၊ သဲကန္တာရထဲကို ကျနော်တို့ မောင်းဝင်လာခဲ့ကြတယ်။

ပါရှန်တောင်ဆိတ်တကောင်

ငါးမိုင်လောက်လဲ မောင်းလာပြီးတော့ အဖွဲ့သားတယောက်က ဆည်းဆာနေရောင်အောက်မှာ လျှောက်ငေးနေတဲ့ တောင်ဆိတ်ထီးတကောင်ကို တွေ့ရော။ အဲဒါနဲ့ကားရပ်လိုက်ကြပြီး၊ ရိုင်ဖယ်သေနတ်တွေယူပြီး တောင်ဆိတ်ကိုချိန်ကြတာပေါ့။ အဲဒီတောင်ဆိတ်ကို ကျနော်ပစ်သင့်တယ်လို့ ကျန်တဲ့လူတွေကသဘောတူလိုက်ကြပြီး နောက်ဆုတ်လိုက်ကြတာ ကျနော်ဖြင့် သိတောင်မသိလိုက်ပဲ တောင်ဆိတ်ကို ပစ်ချလိုက်တယ်။ အံ့သြစရာပဲဗျာ…တောင်ဆိတ်ကို ထိသွားပါလေရော။ အီရန်တွေလဲ ထရပ်ကားပေါ်က ခုန်ဆင်းကြပြီး တောင်ဆိတ်ဆီကိုပြေးကြပါလေရော။

မူစလင်တွေရဲ့ အစ္စလာမ်မစ်ထုံးစံမှာ တိရစ္ဆာန်တကောင်ကိုသတ်ရင် လည်မျိုကိုလှီးပြီး ယာဇ်ပူဇော်သလိုမျိုး သွေးတွေပန်းထွက်အောင်လုပ်ရတယ်။ အဲဒီတော့ အီရန်တွေက တောင်ဆိတ်ကိုလည်လှီးပါလေရော။ ဟား… ကျနော်တော်တော်တုန်လှုပ်သွားမိတယ်ဗျာ။ တောင်ဆိတ်ကိုပစ်လိုက်ပေမယ့် အဲဒီလောက်သွေးထွက်သံယိုမြင်ကွင်းကို တွေ့ရလိမ့်မယ်လို့ ကျနော်မမျှော်လင့်ထားခဲ့ဘူးလေ။ အီရန်တွေလုပ်တဲ့ပုံကြောင့် တောင်ဆိတ်ကိုပစ်မိတာ ကျနော်လဲ တော်တော့်ကို စိတ်မချမ်းမသာဖြစ်သွားရတယ်။ သူတို့အတွက်ကတော့ ဒီကိစ္စက လူလားမြောက်တယ်ဆိုတဲ့သဘော… ပျော်ရွင်စရာတဒင်္ဂအချိန်လေးပေါ့။

အဲဒီနားမှာပဲ တောင်ဆိတ်သေကို သူတို့ဖျက်လိုက်ကြတယ်။ မီးဖိုခပ်ကြီးကြီးတခုဖိုပြီးတော့ တောင်ဆိတ်သားတချို့ကို ချက်ပြုတ်ကြပါတယ်။ ညရောက်လာတော့ လေကလည်းတိုက်လာပါတယ်။ တောင်ဆိတ်နှလုံးကိုချက်ထားတဲ့ဟင်းကို တခမ်းတနားနဲ့ ကျနော့်ကို ကျွေးပါတယ်။ ဒီတခေါက်တော့ ဘာလုပ်ရမလဲလို့ ကျနော့်ကိုအဖေလာပြောဖို့မလိုတော့ပါဘူး။ မျိုမချတော့ဘူး၊ ပုံမှန်အတိုင်းပဲစားလိုက်ပါတယ်။ စားသောက်ကြပြီးတော့ ကားပေါ်ပြန်တက်ကြပြီး စခန်းချမယ့်နေရာရောက်အောင် ညနက်တဲ့အထိခရီးဆက်ကြပါတယ်။ အဲဒီအချိန်ကျတော့ ကန္တာရက အရမ်းကိုအေးနေပါပြီ၊ ကျနော်လဲ ကျောက်ဆောင်ပေါ်မှာ လှဲချလိုက်ပြီး အဝတ်စတွေရှာလို့ရသမျှကို စုထပ်ပြီးခြုံထားလိုက်ပေမယ့်လည်း နွေးတော့မလာပါဘူး။ ဒါပေမယ့်လည်း စိတ်လှုပ်ရှားလွန်းနေမိတော့ အိပ်လို့ကောင်းကောင်းမပျော်ဘူးလေ။

အီရန်နိုင်ငံရှိသဲကန္တာရထဲတွင်နေထိုင်ကြသော ပါရှန်မြည်းရိုင်းလေးများ


နောက်နေ့မနက်ကျတော့ မြည်းရိုင်းရှာပုံတော်ထွက်ခဲ့ကြတယ်။ လမ်းက ကျောက်တုံးတွေနဲ့ပြည့်နေပြီး အလွန်ကြမ်းလှပါတယ်။ ခုန်ပေါက်နေတဲ့ ထရပ်ကားပေါ်မှာ ကျနော်တို့လဲ ဗြောင်းဆန်နေတော့တာပါပဲ။ တချက်တချက်ကားဆောင့်လိုက်ရင် ပါးစပ်ထဲကသွားတွေများ…ခေါင်းထဲရောက်ကုန်ပြီလားမှတ်ရအောင် လူတွေကခါဆင်းသွားတယ်။

ရုတ်တရက်… မြည်းတအုပ်ကန္တာရထဲမှာပြေးနေတာကို အဖွဲ့သားတယောက်က လှမ်းတွေ့လိုက်တယ်။ အဲဒီအချိန်မှာကားကိုလဲ မြည်းတွေဦးတည်ပြေးနေတဲ့ မြစ်စပ်ကရေမရှိတဲ့သောင်တွေဆီကို ကားမောင်းသူက အရှိန်မြှင့်ပြီးမောင်းချသွားလိုက်ပါတယ်။ အားလုံးကိုယ့်သေနတ်ကိုယ်ဆွဲယူ၊ ဘေးချင်းကပ်ယှဉ်ပြီး မြည်းတွေဘက်ကိုချိန်လိုက်ကြပါတယ်။ အမေရိကန်တွေက ကာဘိုင်သေနတ်တွေနဲ့၊ အီရန်တွေက ပထမကမ္ဘာစစ်လောက်ကသုံးတဲ့ တူမီးသေနတ်တွေနဲ့ပေါ့။ မြည်းတွေလဲ သောင်ကိုဖြတ်တော့၊ ကျနော်တို့ကားကလဲ မြည်းတွေဖြတ်တဲ့အချိန်နဲ့ ကွက်တိရောက်ပါတယ်။ ကျနော်တို့ကားနဲ့ (၁၅) ကိုက်လောက်မရှိတရှိ အကွာအဝေးက သောင်ပေါ်ကို မြည်းတွေက ကဆုန်ပေါက်ပြီး ဒုန်းစိုင်းဖြတ်ပြေးကြပါတယ်။ မြည်းအုပ်ရဲ့ခေါင်းဆောင်မြည်းကြီးက အရမ်းအိုနေတော့ တကိုယ်လုံးဖြူဖွေးဆွတ်နေတာ ကျနော်တို့လှမ်းမြင်နေကြရပါတယ်။ ကျနော်တို့စလည်းပစ်ကြရော ကားသမားကမြည်းအုပ်နောက်လိုက်ဖို့ ကားကိုသောင်ပေါ်ကနေလမ်းကြောင်းလဲ ပြောင်းလိုက်ရော၊ ကားကဝုန်းဒိုင်းနဲ့ ကျောက်တုံးတွေပေါ်မှာ ခုန်ပေါက်ပါလေရော။

သေနတ်တွေက ကျည်ဆံတွေလဲ အရပ်မျက်နှာပေါင်းစုံကို ထွက်ကုန်ပြီးတော့ ကားပေါ်မှာပါလာတဲ့လူတွေလည်း ကားကြမ်းခင်းပေါ်ကိုပြုတ်ကျတဲ့လူကကျ၊ ကားဘေးကရရာကိုလှမ်းတွယ်တဲ့လူကတွယ်နဲ့ ကုလားသိုက်ကျားကိုက်သလို အားလုံးဝရုန်းသုန်းကားဖြစ်ကုန်ကြတယ်။ မြည်းအုပ်ပြေးလာတဲ့ အရှိန်က တနာရီ၊ မိုင် (၅၀) နှူန်း လောက်ရှိတယ်။ သေနတ်သံတွေလဲ ကြားရော၊ မြည်းအုပ်က နံပတ် (၅) ဂီယာ ပြောင်းပြီးပြေးတော့တာပဲ။ (၁၀) စက္ကန့်တောင်မကြာလိုက်ဘူးလို့ ထင်ရတဲ့ အချိန်အတောအတွင်းမှာ မြည်းအုပ်နဲ့ကျနော်တို့ကြားက အကွာအဝေးက ကိုက် (၅၀၀) လောက်ခြားသွားပါပြီ။

အဲလိုနဲ့ မြည်းတအုပ်လုံးအဝေးကိုရောက်သွားတော့ ကျနော်တို့လည်းဘာမှမတတ်နိုင်တော့ပဲ နောက်ကြောင်းပြန်လှည့်ခဲ့ကြရပါတော့တယ်။ အိမ်အပြန်လမ်းမှာ တယ်ရန်ကိုရောက်အောင် အကြာကြီးမောင်းရပါတယ်။ လူတိုင်းကလဲကားပေါ်မှာ ဘာကြောင့်သူ့ပစ်ချက်လွဲသွားရတယ်ဆိုတာ ရှိသမျှလူကုန်ကို တယောက်တပေါက်နဲ့ မနားတမ်းရှင်းပြနေကြလေရဲ့။ ဒါပေမယ့် ကျနော်တို့ကား ကျောက်တုံးတွေပေါ် ရောက်မသွားရင်လည်း၊ မြည်းအုပ်ကလွတ်သွားမှာပဲဆိုတာ ကျနော်သိနေခဲ့ပါတယ်။ ဘာလို့လည်းဆိုတော့ မြည်းတွေကို ကိုက် (၃၀၀) အောက်ရောက်တဲ့နေရာကနေ ပစ်ခွင့်ရလိမ့်မယ်လို့ လုံးဝကိုမထင်ထားခဲ့ကြတော့ ကျနော်တို့ သေနတ်တွေအားလုံးရဲ့ ချိန်ခွက် (Sight) တွေကို ကိုက် (၃၀၀) အကွာအဝေးက ပစ်မှတ်တွေကို ပစ်ဖို့ချိန်ထားတော့ ပစ်သမျှကျည်ဆံတိုင်းက မြည်းအုပ်ထက် အနည်းဆုံးငါးပေလောက် ပိုမြင့်တဲ့နေရာကနေကျော်သွားလို့ပါ။  (ဆက်လက်ဖေါ်ပြသွားပါမည်)

Advertisements