၁၂ ရက်နေ့  ၁၂ နာရီ နောက်ဆုံးထား ဖြေရှင်းခြင်း မပြု ပါ က အထွေထွေ သပိတ် စတင် မည်

မြန်မာနိုင်ငံလုံးဆိုင်ရာသံဃာ့လှုပ်ရှားမှု ဦးဆောင်ကော်မတီ
ကြေညာချက်အမှတ် ၁/၂၀၁၂
၁၀.၁၂.၂၀၁၂
၁။ အောက်မြန်မာနိုင်ငံသံဃာတော်များနှင့် အထက်မြန်မာနိုင်ငံသံဃာတော်များ ပူးပေါင်းပြီး
မြန်မာနိုင်ငံလုံး ဆိုင်ရာသံဃာ့လှုပ်ရှားမှုဦးဆောင်ကော်မတီကို ၁၀.၁၂.၂၀၁၂ ရက်နေ့တွင် ဖွဲ့စည်းလိုက်သည်။
၂။ လက်ပံတောင်းတောင် ကြေးနီစီမံကိန်းတွင် အမျိုးဘာသာ သာသနာနှင့် ပြည်သူပြည်သားတို့၏ အကျိုးကို
မျှော်ကိုးပြီး ငြိမ်းချမ်းစွာဆန္ဒထုတ်ဖော်နေကြသော သံဃာတော်များနှင့်ပြည်သူများကို လူမဆန်စွာ
အကြမ်းဖက် ဖြိုခွင်းခဲ့မှုကြောင့် ထိခိုက်ဒဏ်ရာများ ပြင်းထန်စွာရခဲ့ကြပါသည်။

သို့ဖြစ်ပါ၍ မြန်မာနိုင်ငံလုံးဆိုင်ရာ သံဃာ့လှုပ်ရှားမှုဦးဆောင်ကော်မတီမှ အထက်ပါ လူမဆန်သော
လုပ်ရပ်များ ကို ပြင်းပြင်းထန်ထန် ကန့်ကွက် ရှုတ်ချသည်။
ထို့ပြင် သံဃာတော်အရှင်သူမြတ်များနှင့် ပြည်သူလူထုအပေါင်းမှ မိမိတို့နိုင်ငံတွင် အထွဋ်အမြတ်ထားကိုးကွယ် လျက်ရှိသော သံဃာတော်များကို မီးလောင်ဗုန်းများဖြင့် လူမဆန်စွာ မီးလောင်တိုက်သွင်းချေမှုန်းမှုကိုရှုတ်ချ သောအားဖြင့် တစ်ညီတစ်ညွတ်တည်း ပူးပေါင်းပါဝင်ကြပါရန် အလေးအနက် တိုက်တွန်းလိုက်သည်။

၃။ မြန်မာနိုင်ငံလုံးဆိုင်ရာသံဃာ့လှုပ်ရှားမှုဦးဆောင်ကော်မတီမှ အောက်ပါအချက်များကို တောင်းဆိုလိုက်သည်။

(က) နိုင်ငံတော်သမ္မတနှင့် အစိုးရအဖွဲ့က ထိခိုက်ဒဏ်ရာရခဲ့ကြသူများနှင့် သံဃာထုတစ်ရပ်လုံးကို ၀န်ချ တောင်းပန်ရန်၊

(ခ) အကြမ်းဖက်ဖြိုခွင်းမှုတွင် တာဝန်ရှိသောသူများကို ဖော်ထုတ်အရေးယူပေးရန်၊

(ဂ) ကြေးနီစီမံကိန်းနှင့်ပတ်သက်ပြီး ဖမ်းဆီးထားသူများကို ချွင်းချက်မရှိ ပြန်လွှတ်ပေးရန်၊

အထက်ပါတောင်းဆိုချက် (၃) ချက်ကို ၁၂.၁၂.၂၀၁၂ ရက်နေ့ နေ့လယ် (၁၂း၀၀)နာရီတွင် နောက်ဆုံးထား လိုက်လျောခြင်းမရှိပါက မြန်မာနိုင်ငံတစ်ဝှမ်းလုံးရှိ သံဃာတော်များနှင့် ပြည်သူလူထုများ ပူးပေါင်းပြီး အထွေထွေသပိတ်ကြီးကို စတင်ဆင်နွှဲသွားမည်ဖြစ်ပါသည်။

မြန်မာနိုင်ငံလုံးဆိုင်ရာသံဃာ့လှုပ်ရှားမှုဦးဆောင်ကော်မတီ

Advertisements