သူရဲကောင်းဆိုတာ… အခန်း (၅) ၊ စတုတ္ထပိုင်း

Daniel Kane ၊      ၊၀က်စ်ပွိုင့်စစ်တက္ကသိုလ်ပညာသင်ကြားရေးတွင် စစ်ဘက်ရေးရာ
ကဏ္ဍ၏အထွဋ်အထိပ်မှာဖိုင်နယ်လ်ရီးယားဗိုလ်လောင်းတဦးချင်းစီမှ အမေရိကန်ကြည်း
တပ်လက်အောက်ရှိ မိမိတို့အမှုထမ်းလိုသော တပ်အမျိုးအစားရွေးချယ်မှု
(Branch Selection) ပြုလုပ်ရသောနေ့ပင်ဖြစ်ပါသည်။ ကျောင်းဆင်းပွဲမတိုင်မီ (၃)
လခန့်အလိုတွင်  တပ်အမျိုးအစားရွေးချယ်မှုအားပြုလုပ်ရသော်လည်း

  • စစ်အင်ဂျင်နီယာတပ်မကြီး (Engineer Corps)
  • သံချပ်ကာတပ်မကြီး (Armor Corps)
  • ဆက်သွယ်ရေးတပ်မကြီး (Signal Corps)
  • အမြောက်တပ်မကြီး (Artillery Corps)
  • ခြေလျင်တိုက်ခိုက်ရေးတပ်များ (Infantry)

စသည့်တပ်အမျိုးအစားများတွေကတော့ ကျနော်တို့ စက္ကဲန်းရီးယား (Sophomore Year)
ဗိုလ်လောင်းတွေအဖြစ်ရှိနေတဲ့အချိန်ကတည်းက စုဆောင်းမှုတွေစတင်နေခဲ့ကြပါတယ်။

USAF Academy3အမေရိကန်လေတပ်စစ်တက္ကသိုလ်

USAF Academy

အဲဒီအချိန်က အမေရိကန်လေတပ် (USAF) မှာက ကိုယ်ပိုင်လေတပ်စစ်တက္ကသိုလ် (Airforce Academy)
မရှိသေးလို့ ၀က်စ်ပွိုင့်ဆင်းစစ်အရာရှိတွေကို ခန့်အပ်နေတဲ့အချိန်ဖြစ်နေတော့ ကျနော်တို့အနေနဲ့က ကြည်းတပ်အပြင် လေတပ်ကိုပါသွားချင်ရင်သွားလို့ရပါသေးတယ်။ ဘာသာရပ်ဆိုင်ရာမဟာဋ္ဌာနတွေမှာ အထက်ဖေါ်ပြပါတပ်အမျိုးမျိုးကအရာရှိတွေက အတော်ဆုံးဆိုတဲ့ဗိုလ်လောင်းတွေကိုရဖို့ ကြိုးပမ်းကြပါတယ်။
ကျနော်တို့ စစ်နဲ့ပတ်သက်တဲ့ အံ့မခန်းဇာတ်လမ်းတွေကို ကြားခဲ့ကြရတဲ့အကြောင်းရင်းတွေထဲကတချက်က
Branch Selection အတွက်အထောက်အကူဖြစ်စေဖို့ပါပဲ။ ကျနော်တို့ စက္ကဲန်းရီးယား (Sophomore Year)
နဲ့ သာ့ဒ်ရီးယား (Junior Year) ပြီးသွားတဲ့နွေရာသီကျတော့ တနိုင်ငံလုံးမှာရှိတဲ့တပ်တွေဆီကို လေ့လာရေး
ခရီးထွက်ကြရပါသေးတယ်။ တပ်တခုချင်းစီက သီးခြားတပ်အမျိုးအစားတွေဖြစ်ပါတယ်။
အားလုံးလိုလိုကတော့ ကြည်းတပ်လက်အောက်ခံ ညီနောင်တပ်တွေပါ။

Class of 2012 Graduation Parade_05၀က်စ်ပွိုင့်စစ်တက္ကသိုလ်ကျောင်းဆင်းပွဲစစ်ရေးပြအခမ်းအနား (၂၀၁၂)

ကျနော်တို့ဝက်စ်ပွိုင့်ဆင်းတွေအနေနဲ့ ကျောင်းဆင်းပြီးရင် စစ်တပ်ထဲမှာအနည်းဆုံး (၃) နှစ်
တာဝန်ထမ်းဆောင်ဖို့ လိုအပ်ပါတယ်။ အဲဒီကျောင်းဆင်းအရာရှိတွေထဲက အနည်းစုလေးကတော့
ဗိုလ်ချုပ်တွေဖြစ်လာကြပါတယ်။ ချွင်းချက်အနေနဲ့လူနည်းစုတချို့တလေကတော့ တခြားတပ်အမျိုး
အစားတွေကိုပြောင်းရွှေ့သွားတတ်ကြပါတယ်။ အဲဒီနောက်တော့ စစ်မှုထမ်းကာလတလျှောက်လုံး
ကိုယ်ရွေးချယ်ခဲ့တဲ့တပ်က အသေဖြစ်သွားပါတယ်။ တပ်အမျိုးအစားတခုချင်းစီကကိုယ်ပိုင်သမိုင်း၊
ယဉ်ကျေးမှုနဲ့အစဉ်အလာတွေကို ပိုင်ဆိုင်ကြပြီး သီးသန့်စစ်ဘက်မျိုးနွယ်စုတခုစီတည်ရှိနေကြတဲ့
ကမ္ဘာငယ်လေးတွေလိုပါပဲ။ တပ်ရွေးရတဲ့ကိစ္စကတော့ အိမ်ထောက်ဘက်ရွေးရတာဆင်ဆင်ပါပဲ။

တပ်အမျိုးအစားတခုစီတိုင်းမှာ သတ်မှတ်လိုအပ်ချက်အရေအတွက်အတိအကျရှိပြီးသားဖြစ်တာမို့
ဗိုလ်လောင်းတွေအနေနဲ့ ၄င်းတို့ရဲ့ရမှတ်အဆင့်အတန်းတွေအရ တပ်တွေကိုရွေးချယ်နိုင်ပါတယ်။
အဆင့်အောက်ဆုံးနားကပ်နေတဲ့ ဗိုလ်လောင်းတွေအတွက်ကတော့ ကျန်နေတဲ့လစ်လပ်နေရာတွေ
ကိုယူကြရပါတယ်။ ၀က်စ်ပွိုင့်စစ်ကတ္ကသိုလ်ကို အင်ဂျင်နီယာကျောင်းတခုအနေနဲ့တည်ထောင်ခဲ့တာ
ဆိုတော့ အစဉ်အလာအရ ထိပ်ပိုင်းကကျောင်းသားတွေက စစ်အင်ဂျင်နီယာတပ်မကြီး (Corps of
Engineers) ကိုရွေးကြလေ့ရှိပါတယ်။ အဆင့်အောက်နားရောက်တဲ့ကျောင်းသား လေးငါးဆယ်လောက်
ကတော့ အမေရိကန်ကြည်းတပ်မှာအကြီးဆုံးစစ်လက်ရုံးဖြစ်တဲ့ မြေပြင်တိုက်ခိုက်ရေးတပ်
(ခြေလျင်/ခြေမြန်တပ်) ကိုယူရလေ့ရှိပါတယ်။

မြေပြင်တိုက်ခိုက်ရေးစစ်သားအလုပ်ကကြမ်းတမ်းလှတယ်လို့ယူဆကြပါတယ်။ နောက်…တောင်ကုန်းတွေကို
လှံစွပ်တွေနဲ့တက်ထိုးရတဲ့အလုပ်မျိုးဖြစ်ပြီး အပြင်လောကမှာအလုပ်လုပ်ဖို့၊ ကြီးပွားတိုးတက်ဖို့အတွက်အထောက်အကူပြုတဲ့အလုပ်မျိုးလည်းမဟုတ်ပြန်တော့ စစ်တပ်ထဲမှာကြာကြာနေဖို့စိတ်ကူးမရှိတဲ့သူတွေက ဝေးဝေးရှောင်ကြပါတယ်။

ကျနော် စက္ကဲင်းရီးယားပြီးတဲ့ နွေရာသီ (၁၉၅၄) ခုနှစ်မှာ အတန်းဖေါ်တွေနဲ့ကျနော်တို့ လေတပ်စခန်း
(၃) ခုကိုသွားလေ့လာကြတယ်။ ကျနော့်အနေနဲ့ လေတပ်ကိုရွေးချင်လာအောင်ကို တော်တော်ကို
သဘောကျသွားတယ်ဗျာ။ ကျနော်တို့ဝက်စ်ပွိုင့်မှာကိုတော်တော်ရိုက်ခတ်သွားတယ်။ လွှတ်တော်ကကြည်းတပ်ကိုဘတ်ဂျက်လျှော့ပြီး လေတပ်ကိုပုံအောနေတဲ့အချိန်ပေါ့။ ဆိုဗီယက်တွေ
ကလတ်တလောလေးကပဲ ဟိုက်ဒရိုဂျင်ဗုံးထွင်လိုက်တယ်။ အဲဒါနဲ့အနာဂတ်မှာမြေပြင်စစ်ပွဲဖြစ်မလာနိုင်တော့ဘူးလို့ ရွှေညဏ်တော်စူးရောက်ကုန်ကြတယ်။
အဲဒီမှာ တနိုင်ငံလုံးရဲ့မျက်စိတွေက မဟာဗျူဟာလေတပ်အပေါ်ကို ရောက်သွားကြတယ်။

Curtis LeMayဗိုလ်ချုပ်ကြီးကားတစ်လီမေ (၁၉၀၆-၁၉၉၀) ၊ အမေရိကန်လေတပ်ဦးစီးချုပ် (၁၉၆၁-၁၉၆၅)

တကယ်လို့ ကွန်မြူနစ်တွေသာတိုက်လာမယ်ဆိုရင် ဗိုလ်ချုပ်ကြီးကားတစ်လီမေ (Gen. Curtis LeMay) နဲ့ သူ့ B-52 ဗုံးကြဲလေယာဉ်တွေက မော်စကိုကိုတန်းပျံသွားပြီး အားလုံးကိုအရည်ဖျော်ပစ်မယ်ပေါ့။ အဲဒီတော့ လေတပ်အင်အားကိုအချိန်တိုတိုအတွင်းမှာ အကြီးအကျယ်တိုးချဲ့လာတော့ လေတပ်အရာရှိအများအပြားက အသက်ငယ်ငယ်နဲ့ ဗိုလ်မှူးကြီးတွေ၊ ဗိုလ်ချုပ်တွေဖြစ်ကုန်ကြပါတယ်။ ကျနော်တို့သွားလေ့လာတဲ့ လေတပ်စခန်းတွေကအသစ်ကျပ်ချွတ်တွေ…ပြီးတော့ ကျနော်ရောက်ဖူးသမျှခြေလျင်ခြေမြန်တပ်တိုင်းထက်ကို ကောင်းတယ်ဗျာ။ လေတပ်စခန်းတွေကကျနော်တို့ကိုကြိုဆိုတဲ့အဖွဲ့ကလည်း အပျံစားဧည့်ခံပြီး ကျနော်တို့ကိုဘယ်လိုကြိုဆိုတယ်ဆိုတဲ့အနေအထားတွေကိုချပြပါတယ်။

ဒါပေမယ့်လည်း အကြောင်း (၂) ခုကြောင့် ကျနော်လေတပ်ကိုမရွေးဖြစ်ခဲ့ပါဘူး။ ပထမတခုက… ကျနော့်အနေနဲ့ကကိုယ့်တပ်ကိုဦးဆောင်ပြီးတိုက်ပွဲဝင်ချင်တာ။ လေတပ်မှာဆိုရင်တော့ အဲဒီလိုမဟုတ်ဘူး။ ကျနော့်အနေနဲ့ ခြေလျင်တပ်ကဗိုလ်ကြီးအဆင့်အရာရှိတဦးအနေနဲ့ဆိုရင် အင်အား (၂၀၀) လောက်ကိုကွပ်ကဲရပါမယ်။ လေတပ်ဗိုလ်ကြီးအဆင့်အရာရှိတဦးအနေနဲ့ဆိုရင်တော့ လေယာဉ်တစီးရယ်၊ အဖွဲ့သားလေးနည်းနည်းရယ်ပေါ့။

William Holdenဒုတိယတခုကတော့… ကျနော်ကလေယာဉ်မူးတတ်ပါတယ်။ တယ်ရန်ကိုကလေးဘ၀ကလေယာဉ်စီးပြီး
သွားတုန်းကရော၊ အမောင်းသင်လေယာဉ်တစီးကိုစီးတုန်းကပါ လေယာဉ်မူးပါတယ်။ The Bridges at Toko-Ri ရုပ်ရှင်သွားကြည့်တုန်းကလည်း အောက်ကိုထိုးဆင်းပြီး တိုက်ပွဲဝင်ခဲ့တဲ့ ၀ီလီယမ်ဟိုးလ်ဒဲန်း (William Holden) ရဲ့အကူတိုက်လေယာဉ်မှူးနေရာမှာ ၀င်ခံစားလို့လဲမရဘူးဖြစ်နေပါတယ်။ အဲဒီနေရာမှာ ကျနော်သာ
ဆိုရင်တော့ အသက်ရှူမျက်နှာဖုံးထဲ အန်ချမိလိမ့်မယ်လေ။

နောက်လကျတော့ ဂျော်ဂျီယာပြည်နယ် (Georgia) မှာရှိတဲ့တပ်မြို့စစ်စခန်းတခုဖြစ်တဲ့ ဖို့တ်ဘဲန်းနင်း
(Fort Benning) ကိုသွားခဲ့ကြပါတယ်။ အဲဒီမှာအံ့သြစရာကောင်းတာတခုကြုံရပါတယ်။ အဲဒီကအရာရှိတွေက ဗိုလ်လောင်းတွေကိုသိပ်ပြီးဖူးဖူးမှုတ်ထားတာမျိုးမရှိပါဘူး။ သူတို့ကိုကြည့်ရတာတော့ သူတို့ရဲ့မြေပြင်
တိုက်ခိုက်ရေးတပ်ဟာ အိုမာဘရက်ဒ်လေ (Gen. Omar Bradley) တို့လို တပ်မှူးကြီးတွေကိုမွေးထုတ်ပေးခဲ့တဲ့ စစ်တပ်စစ်စစ်ဖြစ်တယ်ဆိုတာကိုသိနေပြီးသားပုံတွေပါပဲ။ နောက်…ထိပ်ပိုင်းဗိုလ်လောင်းတွေကလည်း
ခြေလျင်/ခြေမြန်တပ်တွေကို ဘယ်တော့မှမရွေးကြဘူးဆိုတာကိုလည်း သူတို့ကောင်းကောင်းသိပါတယ်။
ကျောင်းကအဆင့်ထက် အရည်အချင်းရှိတဲ့စစ်အရာရှိတွေကိုရတယ်ဆိုရင်ပဲ သူတို့ကျေနပ်ကြပါတယ်။ နောက်ဆုံးအဆင့်ဖြစ်နေတဲ့ဗိုလ်လောင်းဆိုရင်တောင်မှာ ၀က်စ်ပွိုင့်ကျောင်း
ဆင်းတွေဖြစ်တဲ့အတွက် အဆင့်အတန်းမှီတယ်ဆိုတာကိုလက်ခံကြပါတယ်။

ခြေလျင်/ခြေမြန်တပ်တွေကို နုပ်တယ်လို့ယူကြပေမယ့် ကျနော်တော့စိတ်ဝင်စားမိတယ်။ နောက်…
ဘတ်ဂျက်အများစုရနေတဲ့လေတပ်ကနေ ကြည်းတပ်အတွက်ဘတ်ဂျက်ပြန်ဆွဲယူဖို့အတွက် ခြေလျင်
တပ်ကစီမံချက်ဆွဲလိုက်တယ်လို့ကြားလိုက်
ရတော့ အထင်တော့ကြီးသွားမိတယ်။ မဟာဗျူဟာလေတပ် (SAC) ကိုတန်ပြန်ဖို့အတွက် ကြည်းတပ်က ကြည်းတပ်မဟာဗျူဟာမြောက်တပ်မကြီး လို့ခေါ်တဲ့ STRAC (Strategic Army Corps) ကို
ဖွဲ့စည်းလိုက်ပါတယ်။ STRAC ရဲ့လက်အောက်ခံတပ်တွေကတော့ နျူကလီးယားစစ်မြေပြင်မှာတိုက်
ပွဲဝင်ရမယ့် လေကြောင်းချီတပ်မတွေပါ။

အဲဒီနွေမှာပဲ ကြည်းတပ်လက်အောက်က အမျိုးမျိုးသောတပ်မကြီးများရဲ့တပ်စခန်းတွေကို
ကျနော်တို့သွားရောက်လေ့လာခဲ့ကြပါတယ်။ နယူးဂျာစီပြည်နယ်မှာရှိတဲ့ မန်းမောက်သ်တပ်မြို့ (Fort Monmouth)
မှာအခြေစိုက်တဲ့ ဆက်သွယ်ရေးတပ်မကြီးက ကျနော့်အတွက်တော့သိပ်အာရုံမရပါဘူး။
ပညာသည်သိပ်ဆန်လွန်းနေတယ်လေ။ အမြောက်တပ်မကြီး (Artillery Corps) နဲ့က
လည်းထွေထွေထူးထူးမခံစားမိဘူး။ အော်ကလာဟိုးမား (Okalahoma) ပြည်နယ်၊
ဆီးလ်တပ်မြို့ (Fort Sill) ကိုရောက်သွားတုန်းက ကျနော်တို့ဆရာ ဗိုလ်မှူးကြီးဟော်လင်ဂ်စ်ဝါ့သ် ဆိုခဲ့တဲ့မှတ်ချက်တခုကိုပြန်ကြားယောင်မိသေးတယ်။ အမြောက်တပ်ဖွဲ့ဝင်တွေဆိုတာ
၁၂ မိုင် စနိုက်ပါ (Sniper) တွေတဲ့ဗျား…

ဗာဂျီးနီးယားပြည်နယ် (Virginia) ၊ ဘဲလ်ဗွားတပ်မြို့ (Fort Belvoir) ကတော့ စစ်အင်ဂျင်နီယာ
တပ်တွေအခြေစိုက်တဲ့နေရာပါ။ နာမည်ကျော်အမေရိကန်ဗိုလ်ချုပ်တွေအများစုက သံချပ်ကာ၊ အမြောက်နဲ့ ခြေလျင်တပ်တွေကထွက်တာဆိုပေမယ့် အစဉ်အလာအရ စစ်အင်ဂျင်နီယာတပ်တွေမှာ ဒိတ်ဒိတ်ကြဲမောင်တွေစုနေတယ်လို့ယူဆကြပါတယ်။ ဒုဗိုလ်အဆင့်တယောက်နဲ့ ဗိုလ်မှူးကြီးအဆင့်
စစ်အင်ဂျင်နီယာအရာရှိ (၂) တယောက်က ကျနော်တို့လေ့လာဖို့ လက်တွေ့လုပ်ဆောင်ချက်လေးတခု
စီစဉ်ပေးပါတယ်။

“ ဗိုလ်လောင်းတို့အနေနဲ့ ဒီဗိုလ်ကြီးရဲ့တပ်စုက တံတားဆောက်တာကိုတွေ့မြင်လေ့လာကြရမှာဖြစ်တယ်။
သေသေချာချာကြည့်ကြနော်… ဘာလို့လဲဆိုတော့ ဒီအရာရှိပေါ်မှာကျရောက်နေတဲ့တာဝန်ဝတ္တရား
ကကြီးမားလွန်းလှတယ်။ မောင်ရင်တို့အနေနဲ့ စစ်အင်ဂျင်နီယာတပ်မကြီးကိုရွေးချယ်အမှုထမ်းမယ်
ဆိုရင်တော့ ရှေ့နှစ်ကျရင် အခုအလုပ်က မောင်ရင်တို့အလုပ်ဖြစ်သွားနိုင်တယ်…”

စကားလဲရပ်ရော ဗိုလ်မှူးကြီးက ဗိုလ်ကြီးကိုဆက်လုပ်ဖို့အမိန့်ပေးလိုက်ပါတယ်။ အဲဒါနဲ့ဗိုလ်ကြီးက
တပ်ကြပ်ကြီးကို တံတားဆောက်ဖို့အမိန့်ပေးပါတယ်။ အဲဒါနဲ့အဲဒီစစ်အင်ဂျင်နီယာတပ်စုက
တံတားဆောက်ကြပါတော့တယ်။ တံတားဆောက်နေတုန်းမှာ ဒုဗိုလ်အဆင့်စစ်အင်ဂျင်နီယာအရာရှိက
ခပ်ဆိတ်ဆိတ်နဲ့သာရပ်ကြည့်နေပါတယ်။ ကျနော့်အနေနဲ့လည်း ငါနဲ့ဒီလောက်နဲ့တော့မဖြစ်သေးဘူးလို့
တွေးနေမိပါတယ်။

T41T-41 Tank

ဗိုလ်မှူးကြီးဟော်လင်ဂ်စ်ဝါ့သ်နဲ့ ဗိုလ်ကြီးမာတင်တို့ဆီက သူတို့နွှဲခဲ့တဲ့တိုက်ပွဲတွေအကြောင်းတွေစ
နားထောင်ခဲ့ရကတည်းက ကျနော်လည်း သံချပ်ကာတပ်မှူးဖြစ်ချင်လာခဲ့ပါတယ်။ အဲဒီတော့
သံချပ်ကာတပ်တွေ အခြေစိုက်တဲ့ ကင်တပ်ကီပြည်နယ် (Kentucky)၊ နော့ခ်စ်တပ်မြို့ (Fort Knox)
ကိုသွားချင်တာတပိုင်းကိုသေနေတာပေါ့။ တရက်ကျတော့ ကျနော်တို့အစောင့်ကြီးစောင့်နေ
ရတဲ့နေ့ကိုရောက်လာပါတယ်။ တင့်ကားထဲဝင်လိုက်ပြီးစမ်းသပ်မောင်းနှင်ရတာပါ။ တင့်ကားထဲမှာပူ
လိုက်တာမှသေမတတ်ပဲဗျာ… ကျနော်တို့ကို တပ်ဖွဲ့ဝင် (၄) ဦးလိုက်ရတဲ့ အပေါ့စား T-41
တင့်ကားသေးသေးလေးနဲ့စမ်းခိုင်းပါတယ်။ ကျနော့်သူငယ်ချင်းဗိုလ်လောင်းတယောက်က တင့်ကား
ကိုမောင်းတယ်။ ကျနော်ကတင့်ကားဆုံလည်ပေါ်ကနေထိုင်လိုက်ပါတယ်။ တင့်ကားကမြင်းလိုခုန်နေတယ်ဗျာ
… ရှေ့နောက်ယိမ်းလိုက်၊ ဘယ်ညာယမ်းလိုက်နဲ့ အရှင်လတ်လတ်မီးကင်ခံထားရသလိုဖြစ်လာပြီး
အရမ်းမူးလာတယ်။ အဲဒါနဲ့ကျနော်လည်း တင့်ကားပေါ်ကနေအောက်ဆင်းလိုက်ရတယ်။ “ ငါနဲ့သံချပ်
ကာတပ်နဲ့ကတော့ မဖြစ်သေးပါဘူး…” လို့ ကိုယ့်ဘာသာကိုယ်လည်းရေရွတ်လိုက်မိတယ်။

အဲလိုနဲ့ ဖိုင်နယ်ရီးယား (Senior Year) လဲစရော ခြေလျင်တိုက်ခိုက်ရေးတပ်ကိုသွားဖို့ဆုံးဖြတ်ချက်
ချလိုက်ပါတယ်။ ဆပ်ဒက်သ် (Suddath)၊ ဟော်တန် (Horton) နဲ့တခြားသူငယ်ချင်းအယောက် (၂၀)
လောက်ကလည်း ခြေလျင်တပ်ကိုရွေးဖို့ ဆုံးဖြတ်ထားကြပါတယ်။ ကျနော်တို့ရဲ့ အထက်တန်းစစ်ရေး
နည်းပြအရာရှိဖြစ်တဲ့ ဗိုလ်မှူးဟားလ်မိုး (Maj. Hal Moore) နဲ့ ကျနော်တို့ကအရမ်းကိုရင်းနီးပါတယ။
ဗိုလ်မှူးဟားလ်မိုးက ဒုတိယကမ္ဘာစစ်နဲ့ကိုရီယားစစ်ပွဲတွေမှာ အကြီးအကျယ်စွမ်းရည်ပြခဲ့တဲ့ ခြေလျင်
စစ်သားတယောက်ပါ။ အရပ်ရှည်ရှည်ပိန်ပိန်ပါးပါး၊ ခိုင်ခံ့တဲ့မေးရိုးတွေနဲ့ သူ့ပုံကမာလ်ဘိုရိုကြော်ငြာ
မင်းသားနဲ့တူပါတယ်။ သူကလည်း ဗိုလ်မှူးကြီးဟော်လင်ဂ်စ်ဝါ့သ်လိုပဲ၊ တိုက်ပွဲဖြစ်ပွားပုံတွေကို
ပီပီပြင်ပြင်ပြောပြနိုင်ပါတယ်။ သူ့မှာလည်း ကျနော်နှစ်သက်တဲ့ ခပ်ငြိမ်ငြိမ်နဲ့လေးနက်တဲ့စရိုက်မျိုးရှိပါတယ်။
ဗိုလ်မှူးဟားလ်မိုးက သူ့ရဲ့ဦးဆောင်မှုအောက်ကတပ်ဖွဲ့ဝင်တွေနဲ့ပတ်သက်တဲ့ တာဝန်ဝတ္တရားတွေ
အကြောင်းကိုရှင်းပြရင်းနဲ့ တိုက်ပွဲဇာတ်ကြောင်းတွေကိုနိဂုံးချုပ်တတ်လေ့ရှိပါတယ်။ အဲဒီကနေပြီး
စစ်အတွင်းမှာအရာရှိတွေရဲ့အမှားတွေကြောင့် လူ့အသက်တွေဆုံးရှူံးရတတ်တာကို သတိပြုမိကြပါတယ်။

ခရစ္စမတ်မတိုင်ခင်မှာတော့ တပ်အမျိုးအစားရွေးချယ်ခြင်းက ဖိုင်နယ်လ်ရီးယားဗိုလ်လောင်းတိုင်းရဲ့စိတ်ကို ကြီးစိုးနေပါတော့တယ်။ ခြေလျင်တပ်ကိုရွေးထားတဲ့ကျနော်တို့တသိုက်ကတော့ တခြားသူငယ်ချင်းတွေရဲ့အမြင်မှာ ခြေလျင်တပ်ရဲ့ဂုဏ်တက်မယ့်နည်းလမ်းလေးတွေကို ကြိုးစားရှာဖွေကြပါတယ်။ နောက်ဆုံးမှာတော့ ခြေလျင်တပ်ရဲ့လိုအပ်ချက်အရေအ
တွက်ပြည့်အောင်ဖြည့်နိုင်မယ့် နည်းလမ်းတခုကိုတွေ့ရှိခဲ့ကြပါတယ်။ အဲလိုနဲ့ ခရစ္စမတ်ကျောင်း
ပိတ်ရက်ပြီးတာနဲ့ ကျနော်တို့လည်းလုပ်ငန်းစကြပါတော့တယ်။ ဘော်ဒါတွေဆီသွားလည်ပြီး…

သူငယ်ချင်း.. မင်းဘယ်တပ်ရွေးမလဲဆုံးဖြတ်ပြီးပြီလား…”  လို့မေးကြပါတယ်။

“မရွေးရသေးဘူးကွ…”

“ဟုတ်လား… ငါတော့ ခြေလျင်တပ်ရွေးမလို့၊ ဘာလို့လဲဆိုတော့………”

တပ်အမျိုးအစားရွေးချယ်မှု ပြုလုပ်ရမယ့်နေ့ကတဖြည်းဖြည်းကပ်လာတော့ တိုက်ပွဲမှာစွမ်းရည်ပြခဲ့ပြီးတဲ့ ခြေလျင်တပ်ဖွဲ့ဝင်တွေတပ်ဆင်ကြတဲ့ လေထီးတပ်တောင်ပံတံဆိပ်နဲ့
ခြေလျင်တိုက်ခိုက်ရေးတံဆိပ်ပုံတွေရိုက်ထားတဲ့ ၂ ပေဆိုက် သစ်ပြားတွေကို ဗိုလ်မှူးဟားလ်မိုး
နဲ့ခြေလျင်အရာရှိတချို့က ကျနော်တို့ကိုပေးပါတယ်။ အဲဒါနဲ့ကျနော်တို့လည်း အဲဒီတံဆိပ်
သစ်ပြားတွေကို ဗိုလ်လောင်းအိပ်ဆောင် (၂၄) ဆောင်လုံးက လုံခြုံရေးခန်းတခုချင်းစီရဲ့နံရံတွေမှာ
သံရိုက်ပြီးကပ်ထားလိုက်ပါတယ်။ လုံခြုံရေးခန်းတွေက ဘာမှမရှိဘူး၊ အ၀တ်အစားလဲတတ်ကြတဲ့
အခန်းလွတ်တွေပဲဆိုတော့ ဗိုလ်လောင်းတွေကတော့ အတော်လေးသဘောကျပါတယ်။
အဲဒီတံဆိပ်တွေကလူကြိုက်များတော့ နည်းနည်းပွဲဆူလာတာနဲ့ အဲဒီကိစ္စကိုရပ်ပါလို့ ဗိုလ်မှူး
ဟားလ်မိုးကို အရာရှိ-ဗိုလ်လောင်းတပ်မမှူး (West Point Commandant of Cadets) ကအ
မိန့်ပေးလာပါတော့တယ်။

“ဒီသွေးဆောင်ဖြားယောင်းမှုကတော့ တရားလွန်လာပြီ…”  လို့လဲ အရာရှိ-ဗိုလ်လောင်း
တပ်မမှူးက မှတ်ချက်ချပါတယ်။

West Point Graduation Parade၀က်စ်ပွိုင့်စစ်တက္ကသိုလ်ကျောင်းဆင်းပွဲစစ်ရေးပြအခမ်းအနား (၂၀၁၃)

ကျနော်တို့ဖန်တီးတဲ့ဇာတ်လမ်းကတော်တော်တော့အရှိန်ရနေပါပြီ။ တခြားတပ်အမျိုးအစားတွေရဲ့ဋ္ဌာနတွေက
ဆန့်ကျင်မှုတွေလုပ်လာကြပါတယ်။ တပ်အမျိုးအစားရွေးချယ်မှုလုပ်ရတဲ့နေ့ကျတော့ ဖိုင်နယ်ဗိုလ်လောင်း
အယောက် (၄၈၀) လုံးကို လျှပ်စစ်အင်ဂျင်နီယာစာသင်ခန်းမမှာစုရုံးလိုက်ပါတယ်။ အခန်းဝမှာတော့ တပ်
တခုချင်းစီမှ လက်ခံနိုင်တဲ့ အရေအတွက်ကိုပြထားတဲ့ ဘုတ်ပြားကြီးတချပ်ထောင်ထားပါတယ်။ အဲဒီနားမှတော့
တပ် (၆) မျိုးမှ အုပ်ချုပ်ရေးအရာရှိတွေနဲ့ ကိုယ်စားလှယ်အရာရှိတွေထိုင်နေကြပါတယ်။ ဗိုလ်လောင်းတွေကို
ရမှတ်အဆင့်အလိုက် တဦးချင်းခေါ်ပါတယ်။ ဗိုလ်လောင်းတယောက်ကထပြီး…

“ကျနော့်အနေနဲ့ စစ်အင်ဂျင်နီယာတပ်ကိုရွေးချယ်ပါတယ်…”  လို့ဆိုရင် သက်ဆိုင်ရာအရာရှိတွေက အဲဒီဗိုလ်လောင်းရဲ့နာမည်ကိုစာရင်းမှတ်လိုက်ပြီး စစ်အင်ဂျင်နီယာတပ်မှလက်ခံနိုင်တဲ့လစ်လပ်နေရာတွေထဲက
တနေရာလျော့သွားပါတယ်။

ကျနော်တို့အပတ်စဉ်မှာ ကျနော့်အဆင့်က (၄၃) ပါ။ ကျနော့်အနေနဲ့ခြေလျင်တပ်ကိုပထမဆုံးစရွေးတဲ့သူဖြစ်ချင်ပါတယ်။ ဖြစ်ချင်တော့ရှေ့ကမောင်တွေထဲက
တယောက်ကဦးသွားပါရောလား။ ဒါပေမယ့်လည်း အခန်းထဲမှာဖြစ်လာတဲ့ အနေအထားတွေကိုကြည့်ပြီး
စိတ်လှုပ်ရှားလာတာနဲ့ သိပ်တော့စိတ်အနှောင့်အယှက်မဖြစ်လိုက်ပါဘူး။ တပ်ရွေးချယ်မှုလုပ်နေတာအ
ရှိန်ရလာတော့ ဗိုလ်လောင်းတယောက်က

“ကျနော်ခြေလျင်တပ်ကိုရွေးပါတယ်…”  လို့ဆိုလိုက်တာနဲ့ “ ကြိုက်တယ်ဟေ့..”  လို့ ကျနော့်တို့ခြေလျင်အုပ်
စုက တခဲနက်သြဘာပေးကြတယ်။ သိပ်မကြာပါဘူး၊ ကျန်တဲ့ဗိုလ်လောင်းတွေရဲ့ရွေးချယ်မှုတွေက
အပြောင်းအလဲတွေ ဖြစ်လာပါတော့တယ်။ ပုံမှန်အတိုင်းဆိုရင် ဗိုလ်လောင်းတယောက်အနေနဲ့
သံချပ်ကာတပ် (Armor) ကိုရွေးချင်ပေမယ့် လူပြည့်နေပြီဆိုရင် အမြောက်တပ် (Artillery) ကို
ဒုတိယဦးစားပေး၊ ခြေလျင်တပ် (Infantry) ကို တတိယဦးစားပေးအနေနဲ့တဆင့်ချင်းရွေးချယ်ကြပါတယ်။
ဒါပေမယ့် ကျနော်တို့ခြေလျင်အုပ်စုရဲ့တက်ကြွမှုတွေကိုတွေ့ပြီး သူလည်းဝင်နွှဲချင်လာတော့ ဒုတိယ
ဦးစားပေးဖြစ်တဲ့ အမြောက်တပ်ကိုမရွေးတော့ပဲ တတိယဦးစားပေးဖြစ်တဲ့ ခြေလျင်တပ်ကိုကျော်ရွေး
လိုက်ပါတော့တယ်။ အဲလိုဖြစ်တာတွေပိုပိုများလာပါတယ်။ နောက်ဆုံးမှာတော့ နောက်ဆုံးဗိုလ်လောင်း
မရောက်ခင်ရှေ့က ကပ်လျက်တယောက်ရဲ့အလှည့်ရောက်လာပါတယ်။ အဲဒီအချိန်မှာ ခြေလျင်ကတနေရာနဲ့ အမြောက်ကတနေရာ၊ နှစ်နေရာပဲကျန်ပါတော့တယ်။ အဲဒီဗိုလ်လောင်းလည်းထရပ်လိုက်ရော ကျနော်တို့တွေအသက်တောင်မရှူမိတော့ပဲ စောင့်နေမိကြပါတယ်။

“ကျနော် ခြေလျင်တပ်ကိုရွေးပါတယ်…” လို့လဲအဲဒီမောင်ကပြောလိုက်ရော ကျနော်တို့အုပ်စုဝင်အားလုံးက ၀ိုင်းပြီးသြဘာပေးလိုက်ကြပါတယ်။ အဲဒီမှာနောက်ဆုံးဗိုလ်လောင်းက ကျနော့်သူငယ်ချင်း ဂျက်ခ်စလုံး (Jack Sloan) ပါ။ ဖြစ်ချင်တော့ဗျာ သူကလည်းခြေလျင်တပ်ကိုရွေးချင်တာဖြစ်နေတယ်။ ကံဆိုးချင်တော့ သူ့အလှည့်မှာ ရွေးစရာမကျန်တော့ပဲ အလိုအလျောက်အမြောက်တပ်ကိုရောက်သွားတော့ ဒီမောင်ငိုမလိုရီမလိုဖြစ်သွားတယ်။ အဲဒါနဲ့ကျနော်တို့အုပ်စုလည်း ခန်းမရှေ့က အမြောက်တပ်ကိုယ်စားလှယ်ဦးဆောင်အရာရှိဆီကိုချီတက်ကြရပါတော့တယ်။

“ဘယ်လိုမှတော့သဘောမထားပါနဲ့ လူကြီးမင်းခင်ဗျား… ဗိုလ်လောင်းဂျက်စလုံးက အမြောက်တပ်သွားဖို့ စိတ်မပါဘူးဖြစ်နေပါတယ်၊ သူ့အနေနဲ့ခြေလျင်တပ်ကိုသွားဖို့ နည်းလမ်းတခုခုများရှိနိုင်ပါသလား…”

လို့ကျနော်စမေးလိုက်ပါတယ်။ ခါတိုင်းလိုမဟုတ်ပဲ နောက်ဆုံးဗိုလ်လောင်းကိုရလိုက်တော့ အဲဒီအရာရှိလည်း တော်တော်ကြီးစိတ်ကသိကအောက်ပုံရပါတယ်။

“ ကိုယ်တို့အနေနဲ့ အမြောက်တပ်ကိုမလာချင်တဲ့သူ ဘယ်သူ့ကိုမှမလိုချင်ဘူး၊ တကယ်လို့အဲဒီဗိုလ်လောင်းအနေနဲ့ ခြေလျင်ကိုသွားချင်ရင်သွားနိုင်ပါတယ်…”

“လူကြီးမင်းတကယ်ပြောတာနော်…”

“အေး…တကယ်ပေါ့ကွ…”

West Point-9၁၉၅၆၊ ဇွန်လ (၅) ရက်နေ့မှာ ကျနော်တို့ကျောင်းဆင်းပါတယ်။ ဘွဲ့လက်မှတ်တွေလက်ခံယူပြီး ကျောင်းဆင်းပြီးတဲ့တပတ်လုံးလုံး စစ်ရေးပြတွေ၊ မိန့်ခွန်းပြောဆိုမှုတွေ၊ အခမ်းအနားတွေ၊ ဖျော်ဖြေမှုတွေ၊ ညစာစားပွဲတွေကျင်းပပါတယ်။ အဲဒီမှာပဲ ဗိုလ်လောင်းဘုရားကျောင်း (Cadet Chapel) တွေမှာ လက်ထပ်ပွဲတွေအများကြီးကျင်းပကြပါတယ်။

West Point Marriageကျနော့်အနေနဲ့ အရစ် (၄) ရစ်ပါတဲ့ ဗိုလ်လောင်းအရာရှိအဆောင်အယောင်ကိုဝတ်ဆင်ရတာရော၊ အမေရိကန်ကြည်းတပ်မတော်မှာ ဒုတိယဗိုလ်အဆင့်နဲ့ ပြန်တမ်းဝင်အရာရှိအဖြစ်ခံအပ်ခံရတာကိုရော၊ စင်ပေါ်ကိုတက်ရတဲ့ (၄၃) ယောက်မြောက်ဗိုလ်လောင်းဖြစ်ရတာကိုရော၊ ကျောင်းဆင်းအရာရှိအားလုံးတခဲနက်ဟစ်ကြွေးပြီး ကက်ပ်ဦးထုပ်တွေကိုလေထဲကိုပစ်တင်လိုက်ရတာတွေကိုရော အားရကျေနပ်ဂုဏ်ယူမိပါတယ်။

West Point Graduation Ceremony3အောင်အောင်မြင်မြင်နဲ့ကျောင်းဆင်းရတာနဲ့ပတ်သက်ပြီး ကျနော့်အနေနဲ့ ပီတိအဖြစ်ရဆုံးကတော့ အဖေနဲ့ပတ်သက်လို့ပါ။ ကျနော့်ကျောင်းဆင်းပွဲမှာ အဖေနဲ့အမေတက်ရောက်ကြပါတယ်။ ကျောင်းဆင်းပွဲလည်းပြီးရော အဖေကကျနော့်ကိုဝမ်းသာအားရနဲ့ပွေ့ဖက်ထားပါတယ်၊ အဖေ့ခမျာဝမ်းသာလွန်းလို့မျက်ရည်တွေတောင်လည်နေပါတယ်။ သူ့သားတော်မောင်ဝက်စ်ပွိုင့်ကနေကျောင်းဆင်းဖို့ဆိုတဲ့ သူ့ရဲ့အိပ်မက်တကယ်ဖြစ်လာတဲ့အတွက် သူ့ရဲ့ဝမ်းသာပျော်ရွှင်မှုကို ကျနော်မြင်နေရပါတယ်။ ကိုယ့်ဘာသာကိုယ်လည်း သားကောင်းတယောက်လို့ခံစားမိပါတယ်။

ကျနော့်အပေါ်မှာ ၀က်စ်ပွိုင့်စစ်တက္ကသိုလ်ရဲ့သက်ရောက်မှုကို ယနေ့ချိန်ထိအတိအကျပြောဖို့မလွယ်လှပါဘူး။ စံနှူန်းတွေသတ်မှတ်ထားတဲ့စစ်ဘက်အသိုင်းအ၀ိုင်းတခုမှာ (၄) နှစ်တိုင်တိုင်နေစဉ်တုန်းမှာ တန်ဖိုးသတ်မှတ်မှုစနစ်သစ်တခုက ကျနော့်စိတ်ထဲမှာဖြစ်တည်လာခဲ့ပါတယ်။ ဗိုလ်လောင်းသစ်အနေနဲ့ဝက်စ်ပွိုင့်သင်တန်းသားဘ၀ကိုစတင်ခဲ့တော့ “တာဝန်၊ ဂုဏ်သိက္ခာ၊ တိုင်းပြည်” ဆိုတဲ့ဆောင်ပုဒ်ကို အဖေ့ဆီကပဲကြားဖူးခဲ့တာပါ။ ကျနော့်အနေနဲ့ ကိုယ့်နိုင်ငံကိုတော့ကိုယ်ချစ်တာပေါ့ဗျာ။ မှားနေတာကို အမှန်ပြောဖို့လည်းသိပါတယ်၊ ဒါပေမယ့် အဲဒီအချိန်က ကျနော့်အသိစိတ်ပိုင်းဆိုင်ရာမှာ အနည်းအကျဉ်းလေးပဲဖွံ့ဖြိုးပါသေးတယ်။

ဝက်စ်ပွိုင့်ကကျောင်းဆင်းပြီးတော့ အဲဒီတန်ဖိုးတွေကသံမှိုစွဲသလိုပဲ စိတ်ထဲမှာတသားထည်းစူးဝင်သွားပါတော့တယ်။ စိတ်ပိုင်းဆိုင်ရာအားဖြင့် ကြီးကြီးကျယ်ကျယ်ကိုလွတ်မြောက်မှုရသွားတာပေါ့။ အဆင့်၊ ဆုတံဆိပ်၊ စွမ်းဆောင်ရည်အကဲဖြတ်မှတ်တမ်းတွေကို အဓိကထားတဲ့ အမေရိကန်တပ်မတော်က ရည်မှန်းချက်တွေနဲ့ရှင်သန်ဖို့ အလွယ်ကူဆုံးအဖွဲ့အစည်းတရပ်ပါ။ တချို့သောစစ်အရာရှိတွေက သူတို့စစ်မှုထမ်းကာလတလျှောက်လုံးမှာ အထက်လူကြီးကြိုက်ဖို့အတွက်အဓိကလှုပ်ရှားပြီး အဆင့်၊ရာထူးတက်ဖို့အတွက်သောကရောက်နေကြရပါတယ်။ အဲဒီဘ၀မျိုးက သိပ်တော့ပျော်စရာမကောင်းလှပါဘူး။

ဒါပေမယ့် ၀က်စ်ပွိုင့်ကျောင်းတော်ကြီးက မိမိရဲ့ပုဂ္ဂလအကျိုးထက် အလုပ်ကိုအကောင်းဆုံးဖြစ်အောင်လုပ်ဖို့ ကိုယ်ကျိုးစီးပွားမငဲ့ပဲ၊ နောက်ဆုံးကိုယ့်အတွက်ဘာမှမရချင်မရပါစေ ကိုယ့်တိုင်းပြည်အတွက်လုပ်စရာရှိတာကို အပြည့်အ၀လုပ်ဆောင်ဖို့ စိတ်ဓါတ်အင်အားကောင်းအောင်ရိုက်သွင်းပေးခဲ့ပြီး ကျနော့်ကို သောကတွေနဲ့ ပျော်ရွှင်စရာမကောင်းတဲ့ဘ၀မျိုးမရောက်အောင် လုပ်ဆောင်ပေးခဲ့ပါတယ်။ ၀က်စ်ပွိုင့်ကျောင်းတော်ကြီးကနေ ကျနော့်အတွက် စစ်မှုထမ်းအလုပ်အပြင် စိတ်ပိုင်းဆိုင်ရာ ယုံကြည်မှုခွန်အားတွေကိုပါရရှိခဲ့ပါတယ်။

Capitol Hillအမေရိကန်လွှတ်တော်အဆောက်အဦး (Capitol Hill)

ဝက်စ်ပွိုင့်ကနေကျောင်းဆင်းသွားသူတိုင်းမှာ အဲဒီတာဝန်သိစိတ်ရှိသွားတာတော့မဟုတ်ပေမယ့် ကျနော်တို့တော်တော်များများမှာတော့ ရှိလာခဲ့ပါတယ်။ ကျောင်းဆင်းပြီးလို့ နောက်ထပ်အနှစ် (၃၀) ကြာပြီးတနေ့ကျတော့ ပင်တဂွန်စစ်ဋ္ဌာနချုပ်မှာ ကျနော့်သူငယ်ချင်းအရင်းအချာ (၂) ယောက်ဖြစ်တဲ့ တပတ်စဉ်တည်းသူငယ်ချင်း တော်မ်ဝိုင်းစတိုင်း (Tom Weinstein) နဲ့ အရံဗိုလ်သင်တန်း (ROTC) ဆင်း ဘော့ပ်ရစ္စကာဆီ (Bob Riscassi) တို့နဲ့ကော်ဖီသောက်ရင်းစကားပြောဖြစ်ကြပါတယ်။ အဲဒီအချိန်မှာ ကျနော်တို့သုံးယောက်လုံး ကြယ် (၃) ပွင့် – ဒုတိယဗိုလ်ချုပ်ကြီးအဆင့် စစ်အရာရှိတွေဖြစ်နေကြပါပြီ။ စကားပြောရတဲ့အဓိကအကြောင်းက ၀ါရှင်တန်မြို့တော် (ပင်တဂွန်စစ်ဋ္ဌာနချုပ်နဲ့ လွှတ်တော်) မှာထိတွေ့ဆက်ဆံရတဲ့လူတွေနဲ့ပတ်သက်ပြီး ညည်းညူမိကြတာပါ။ အဲဒီကလူတွေတော်တော်များများက ကိုယ်ကျိုးသက်သက်သမားတွေများပါတယ်။

ကြည်းတပ်ထောက်လှမ်းရေးအကြီးအကဲဖြစ်လာတဲ့ “တော်မ်” ကတွေးခေါ်ဆင်ခြင်မှုအားကောင်းတဲ့လူတယောက်ဖြစ်ပြီး စကားပြောတဲ့နေရာမှာ ချက်ကျလက်ကျပြောဆိုတတ်သူတယောက်အဖြစ် ထင်ရှားပါတယ်။ ကျနော်သူ့ကိုမေးခွန်းတခုမေးမိတယ်…

“ တော်မ်… မင်းကဘယ်လိုလုပ်ပြီး တက်လမ်းရှာဖို့သိပ်ပြီးအားမထည့်ဖြစ်တာလဲ…

တခြားလူအများစုမှာမရှိတဲ့ ကျင့်ဝတ်နဲ့သိက္ခာ စံနှူန်းတွေနဲ့ဘာလို့နေဖို့ကြိုးစားနေတာတုန်း…”

မေးခွန်းဆုံးတော့ သူကမဆိုင်းမတွပဲအဖြေပေးပါတယ်။

“ ငါ ၀က်စ်ပွိုင့်ကိုစရောက်တော့ ဘာမှဖြစ်ဖြစ်မြောက်မြောက်သိပ်မသိတဲ့ နယူးဂျာစီက ဂလယ်အူကြောင် ဂျူးလေးတကောင်ပေါ့ကွာ… ၀က်စ်ပွိုင့်မှာတို့တွေ (၄) နှစ်သင်တန်းတက်ခဲ့တုန်းက ကျောင်းမှာသင်ပေးတဲ့ စံနှူန်းတွေကိုမင်းမှတ်မိသေးတယ်မဟုတ်လား… အေး..အဲဒါတွေကိုငါတကယ်ယုံကြည်မိခဲ့တယ်…”

သူတင်ပဲလား… ကျနော်လည်းဒီတိုင်းပါပဲ…

Advertisements

One response to “သူရဲကောင်းဆိုတာ… အခန်း (၅) ၊ စတုတ္ထပိုင်း

  1. Pingback: MyanmarLatestNews » သူရဲကောင်းဆိုတာ… အခန်း (၅) ၊ စတုတ္ထပိုင်း·

Comments are closed.