ဒီချုပ် အာဏာရခဲ့သော်

(ဒီချုပ်အာဏာရရေး အပေါ် မျှော်လင့်ချက်ကြီးကြီးမားမား ထားနေကြဆဲဖြစ်သည့် ဒီမိုကရေစီ မိတ်ဆွေများသို့)

အမှန်တော့ အမျိုးသားဒီမိုကရေစီအဖွဲ့ချုပ် အာဏာရလိမ့်မယ်လို့ ကျနော် မယုံကြည်ဘူး။ ဒါပေမယ့်
အခုရွေးကောက်ပွဲအတွက် တက်ကြွနေသူတွေက ဒီချုပ်အာဏာရခဲ့သော်ဆိုတဲ့ အတွေးနဲ့ တက်
ကြွနေကြတာ ဖြစ်တော့ ဒီချုပ်အာဏာရခဲ့သော် ဘာဖြစ်နိုင်သလဲဆိုတာကို ကျနော်တွက်ချက်ပြချင်ပါတယ်။

ဒီချုပ်အာဏာရခဲ့သော် ဒီမိုကရေစီနည်းမကျတဲ့ ငြိမ်းစုစီဥပဒေ ပုဒ်မခွဲ ၁၈ ကိုပယ်ဖျက်မလား။
အရေးပေါ် စီမံချက် အက်ဥပဒေ ပုဒ်မ ၅ ည ကို ဖျက်သိမ်းမလား။ အဲဒီမေးခွန်းကို အရင် စမေးချင်ပါတယ်။
ကျနော်ဖြင့် သိပ်မထင်လှဘူး။ အမျိုးသားပညာရေး ဥပဒေကိုတောင်မှ စစ်အာဏာရှင်များအလိုကျ
သမဂ္ဂဖြုတ်ခိုင်းတဲ့ ဒီချုပ်ဟာ အဲဒီဥပဒေတွေကို ပယ်ဖျက်ဖို့ စွမ်းစွမ်းတမံဆောင်ရွက်မယ်လို့ မထင်လှဘူး။
ဒါပေမယ့် ဒီချုပ်ကို မျှော်လင့်အားထားနေကြတဲ့ ဒီချုပ်ထောက်ခံသူ ဒီမိုကရေစီမိတ်ဆွေများက ဒီချုပ်ကဖြင့်
အဲသလို ဒီမိုကရေစီ နည်းမကျတဲ့ ဥပဒေတွေကို ဖျက်သိမ်းမှာပါပဲလို့ ယူဆထားကြတဲ့ အတွက် …ကောင်းပြီ၊
ဒီချုပ်က အဲဒီဥပဒေ တွေကို ဖျက်သိမ်းမယ်လို့ ယူဆလိုက်ကြပါစို့။ အဲသလိုဖျက်သိမ်းလို့ရနိုင်မလား။ အကျိုးရှိနိုင်ပါသလား။

ဟုတ်ကဲ့။ ဖျက်သိမ်းလို့ ရနိုင်ပါတယ်။ ဒီချုပ်က လွှတ်တော်ထဲမှာ လူများစုမဲတွေကို ရထားမယ်ဆိုရင် အဲဒီ
ဥပဒေတွေကို ဖျက်သိမ်းလို့ ရနိုင်ပါတယ်။ ဒါပေမယ့် အဲသလို ဖျက်သိမ်းတာကို ကာကွယ်ရေးဦးစီးချုပ်က
သဘောမကျရင် လက်တွေ့မှာ အကျိုးရှိမှာမဟုတ်ပါဘူး။ ဘာလို့ အကျိုးမရှိနိုင်သလဲ ဆိုတော့ ဥပဒေကို
ဖျက်သိမ်းထားပေမယ့် ရဲကအဲဒီ ပုဒ်မ ၁၈ ဖျက်သိမ်းပြင်ဆင်ထားတဲ့ ဥပဒေသစ်ကို မလိုက်နာပဲ ဆန္ဒပြသူတွေကို
ဖမ်းတယ်ဆိုရင် ဘယ့်နှယ်လုပ်မလဲ။ မိတ်ဆွေများဖြေကြည့်ပါ။ ရဲက ဥပဒေကို မလိုက်နာပဲ အဲသလိုလုပ်စရာ
အကြောင်းမရှိဘူးလို့ ခင်ဗျားတို့ တွေးချင်တွေးမယ်။ အကြောင်းရှိပါတယ်။ ရဲကို အမိန့်ပေးမယ့်သူဟာ
ပြည်ထဲရေး ဝန်ကြီးဌာနဖြစ်ပါတယ်။ ပြည်ထဲရေး ဝန်ကြီးကို ကာကွယ်ရေးဦးစီးချုပ်က ခန့်ထားပါတယ်။

ရဲဟာ စစ်တပ်အောက်မှာပါ။ သမ္မတအောက်မှာ အစိုးရအဖွဲ့အောက်မှာ မဟုတ်ပါဘူး။ အကယ်၍ေ
ဒ်ါအောင်ဆန်းစုကြည် သမ္မတဖြစ်နိုင်တယ်လို့ပဲ ဆိုပါစို့။ ဥပဒေမလိုက်နာတဲ့ရဲကို ဒေါ်အောင်ဆန်းစုကြည်က အလုပ်ကနေဖြုတ်မယ်ဆိုပါတော့။ ပြည်ထဲရေးဝန်ကြီးကခံမယ်ထင်ပါသလား။ ပြည်ထဲရေးဝန်ကြီးကမခံရင် ပြည်ထဲရေးဝန်ကြီးနဲ့ ကာကွယ်ရေးဦးစီးချုပ်တို့ကို ဒေါ်အောင်ဆန်းစုကြည်က ထိပ်တိုက်ရင်ဆိုင်မယ်လို့ ခင်ဗျားတို့ထင်ပါသလား။

တကယ်လို့ ဒေါ်အောင်ဆန်းစုကြည်ရဲ့ပါတီခေါင်းဆောင်တွေ ဒါမှ မဟုတ်ပါတီဝင်တွေကို ရဲကဝင်ဖမ်းပြီ ဆိုပါတော့။ ဒေါ်အောင်ဆန်းစုကြည် ဘာတတ်နိုင်မယ်ထင်ပါသလဲ။ ဒါမျိုးကတော့ အတွေးခေါင်တာပါကွာ၊ မဖြစ်နိုင်ပါဘူးလို့ခင်ဗျားတို့ထဲက တချို့က ထင်ကောင်းထင်ကြပါလိမ့်မယ်။ သိပ်ဖြစ်နိုင်ပါတယ်။ ဖြစ်ခဲ့ဖူးတဲ့ အစဉ်အလာတွေလည်း ရှိပါတယ်။ ဇင်ဘာဘွေမှာ မျိုးချစ်ခေါင်းဆောင်၊ တိုင်းပြည်ရဲ့ လွတ်လပ်ရေး ယူပေးခဲ့တဲ့ ခေါင်းဆောင်လည်းဖြစ်ပြီး အာဏာရှင်လည်းဖြစ်တဲ့ သမ္မတရောဘတ်မူဂါဘီက မဲခိုးမဲညစ်ပါတယ်။ အနောက်အုပ်စုလိုလားတဲ့ မော်ဂန်ချန်ဂီရွိုင်းက မဲအနိုင်ရပါတယ်။ ဒါပေမယ့် ရောဘတ်မူဂါဘီက ညစ်တော့ ပြဿနာတက်ပါတယ်။ အဲဒီပွဲမှာ အနောက်အုပ်စုက စေ့စပ်ညှိနှိုင်းခိုင်းပြီး အမျိုးသားပြန်လည် သင့်မြတ်ရေးလုပ်ပါတယ်။ သမ္မတက ရောဘတ်မူဂါဘီဆက်ဖြစ်ပါတယ်။ မော်ဂန်ချန်ဂီရွိုင်းက ဝန်ကြီးချုပ်လုပ်ရပါတယ်။ အာဏာရဲ့ အချက်အချာ ဖြစ်တဲ့ ပြည်ထဲရေး၊ကာကွယ်ရေး စစ်တပ်တို့ကို ရောဘတ်မူဂါဘီက ကိုင်ထားပါတယ်။ သင့်သင့်မြတ်မြတ် အာဏာခွဲဝေနိုင်ကြတယ်ဆိုပြီး အနောက်အုပ်စုကချီးမွမ်းခန်းကြီးဖွင့်ပြီး တယ်မကြာလှပါဘူး။ မော်ဂန်ချန်ဂီရွိုင်းရဲ့လူတွေကို ရောဘတ်မူဂါဘီရဲ့ ရဲတွေက ဖမ်းဆီးနှိပ်စက် ညှင်းပန်းတာတွေ လုပ်တော့တာ ပါပဲ။ လူပေါင်း ၂၀၀ ကျော်အသတ်ခံရပါတယ်။ အဲသလိုနမူနာတွေရှိပါတယ်။ ဘယ်လောက်အထိတောင် ဆိုးဆိုးဝါးဝါးလုပ်သလဲဆိုရင် ဝန်ကြီးချုပ်ကို လုပ်ကြံတဲ့အထိ လုပ်ပါတယ်။ ဝန်ကြီးချုပ်မော်ဂန်ချန်ဂီရွိုင်း ဘာမှ မတတ်နိုင်ပါဘူး။

ဒေါ်အောင်ဆန်းစုကြည်ရဲ့ ပါတီကလူတွေကို မဖမ်းရင်တောင်မှ တပ်သိမ်းလယ်မြေပြန်ပေးဖို့တောင်းဆိုတဲ့ လယ်သမားကို ဖမ်းပါလိမ့်မယ်။ ပညာရေးဥပဒေကန့်ကွက်ဆန္ဒပြတဲ့ ကျောင်းသားကို ဖမ်းပါလိမ့်မယ်။ လုပ်ခတိုးပေးဖို့တောင်းတဲ့ အလုပ်သမားကို ဖမ်းပါလိမ့်မယ်။ အဲသလိုဖမ်းရင် ဒေါ်အောင်ဆန်းစုကြည် ဘာလုပ်နိုင်မလဲ။ ပြန်လွှတ်ပေးလိုက်ပါလို့ ပြောမယ်ထင်ပါသလား။ ဟုတ်ပြီ။ ပြန်လွှတ်ပေးလိုက်ပါလို့ ဒေါ်အောင်ဆန်းစုကြည်က ပြောတယ်ဆိုပါတော့။ ဗိုလ်ချုပ်မင်းအောင်လှိုင်က အစ်မကြီး ကိုယ့်အလုပ်ကိုယ် လုပ်ပါ။ ကျနော့်အလုပ်ဝင်မရှုပ်ပါနဲ့ဆိုရင် ဘာဆက်လုပ်မယ်ထင်ပါသလဲ။ ကာကွယ်ရေးဦးစီးချုပ်ကို သမ္မတက ခန့်လို့လည်း မရဘူး၊ ဖြုတ်လို့လည်း မရဘူးဆိုတာကိုတော့ သတိရစေချင်ပါတယ်။ ဒီတော့ အရပ်သားအစိုးရတက်လာရင် အဲဒီအရပ်သားအစိုးရဟာ စစ်တပ်ခွင့်ပြုသလောက် အတိုင်းအတာအထိသာ ရဲကို အသုံးပြုခွင့်ရမှာဖြစ်ပါတယ်။

ဒီတော့ စစ်တပ်ကို၊ ရဲကို မလွန်ဆန်နိုင်လို့ လယ်သမားတွေကို ဖမ်းတာ၊ သတ်တာတွေကို သမ္မတက လက်ပိုက်ကြည့်နေမယ်။ အလုပ်သမားတွေ၊ ကျောင်းသားတွေကို ဖမ်းဆီးရိုက်နှက်တာတွေကို အဲဒီသမ္မတက ကြည့်နေမယ်ဆိုရင် အဲဒီသမ္မတ ဘာဖြစ်သွားမလဲ။ သူလည်း အာဏာရှင်ဖြစ်သွားမှာပဲပေါ့။

ဒီ့ထက်ပိုဆိုးတဲ့ ပြဿနာတခုကို ပြောပါဦးမယ်။ စစ်တပ်က ကေအိုင်အေကိုတိုက်ပြီဆိုပါစို့။ (ဒါဟာ မဖြစ်နိုင်တဲ့ ကိစ္စမဟုတ်ပါဘူး။) စစ်သားတွေက ကချင်မလေးတွေကို မုဒိန်းကျင့်ပြီဆိုပါစို့။ (ဒါလည်း ခဏခဏဖြစ်နေကျ ကိစ္စပါ။) ဒေါ်အောင်ဆန်းစုကြည် ဘာလုပ်မလဲ။ တိုက်ပွဲချက်ချင်းရပ်ပါလို့ သမ္မတကြီး ဒေါ်အောင်ဆန်းစုကြည်က အမိန့်ပေးရင် ကာကွယ်ရေးဦးစီးချုပ် စစ်အာဏာရှင်လက်သစ်ကလေး ဗိုလ်ချုပ်မှူးကြီးမင်းအောင်လှိုင်က လက်ခံမယ်ထင်ပါသလား။ တိုင်းရင်းသားတွေ အားလုံးလက်နက်ဖြုတ်သိမ်းမှ စစ်တပ်က နိုင်ငံရေး အခန်းကဏ္ဍ ကနေ ထွက်ပေးနိုင်မယ်လို့ မင်းအောင်လှိုင်က ဘီဘီစီနဲ့ အင်တာဗျူးမှာ ပြောဖူးတာကို မမေ့ပါနဲ့။ တိုင်းရင်းသားတွေ အားလုံး လက်နက်ဖြုတ်သိမ်းပြီးမှ အခြေခံဥပဒေပြင်ဆင်ရေးဖြစ်နိုင်မယ်လို့ မင်းအောင်လှိုင်က ဘီဘီစီနဲ့ အင်တာဗျူးပေးထားတာကိုလည်း မမေ့ပါနဲ့။

တပ်မတော်သားတယောက်က ကချင်မလေးတယောက်ကို အဓမ္မပြုကျင့်ရင်လည်း သမ္မတက ဘာမှ လုပ်လို့ ရမှာ မဟုတ်သလို၊ နောက်ထပ်ကိုပါကြီးတယောက်ကို ထပ်သတ်ရင်လည်း ဘာမှ လုပ်လို့ရမှာ မဟုတ်ပြန်ပါဘူး။ ဘာ့ကြောင့်လဲ ဆိုတော့ တပ်မတော်သားကို တရားစီရင်ခွင့်ကိုလည်း ကာကွယ်ရေး ဦးစီးချုပ်က ယူထားလို့ပါပဲ။

ကောင်းပြီ။ အဲဒါတွေခဏထားပါဦး။ လက်တွေ့ မြန်မာနိုင်ငံမှာ လူထုနဲ့ တိုက်ရိုက်ထိတွေ့အုပ်ချုပ်နေတာ အနီးကပ်အုပ်ချုပ်နေတာ ဘယ်သူတွေလဲ။ အဲဒါ သိပ်လက်တွေ့ကျပါတယ်။ အဲဒါကို စဉ်းစားကြည့်ကြရအောင်ပါ။ တကယ်တန်း တိုင်းနဲ့ ပြည်နယ်ကို အုပ်ချုပ်နေတာ တိုင်းနဲ့ ပြည်နယ်အစိုးရ တွေ မဟုတ်ပါဘူး။ ထွေအုပ်က အုပ်ချုပ်နေတာပါ။ ကျေးရွာ၊ ရပ်ကွက်ကို အုပ်ချုပ်နေတာကလည်း ထွေအုပ်က အုပ်ချုပ်နေတာပါ။ အဲဒီထွေအုပ်က ဘယ်ဝန်ကြီးဌာနအောက်မှာ ရှိပါသလဲ။ ဟုတ်ကဲ့။ ပြည်ထဲရေးဝန်ကြီး ဌာန အောက်မှာပဲ ရှိပါတယ်။ အဲဒီထွေအုပ်တွေဟာ မိတ်ဆွေတို့သိကြတဲ့ အတိုင်း စစ်တပ်ကလူတွေချည်းပါပဲ။ ပြည်နယ်တွေ၊ တိုင်းတွေမှာ အရေးကြီးတဲ့ ကိစ္စတွေ ပေါ်ပေါက်လာရင် ဘယ်သူကထွက်ပြီး ဦးဆောင်ဖြေရှင်းလေ့ရှိပါသလဲ။ အဲဒါကိုလည်း ပြန်စဉ်းစားကြည့်ပါ။ ဟုတ်ကဲ့။ ဦးဆောင်ဖြေရှင်းလေ့ရှိသူဟာ နယ်လုံဝန်ကြီးပါ။ နယ်စပ်ရေးရာနဲ့ လုံခြုံရေးဝန်ကြီးက အရေးပါတဲ့ အာဏာရှိသူဖြစ်နေပါတယ်။ ထွေအုပ်နဲ့ နယ်လုံက နေရာတိုင်းကို အုပ်ချုပ်နေပါတယ်။ အဲဒီလူတွေဟာ စစ်တပ်က လူတွေပါ။ သူတို့ကိုကိုင်တဲ့ ဝန်ကြီးတွေကလည်း စစ်တပ်ကလူတွေပါ။ ခန့်ထားသူဖြုတ်ချနိုင်ခွင့်ရှိသူကလည်း ကာကွယ်ရေးဦးစီးချုပ်ဖြစ်ပါတယ်။ တကယ်တော့ ဦးသိန်းစိန်အစိုးရတလျှောက်လုံးမှာ တိုင်းပြည်ကို အုပ်ချုပ်နေတာ စစ်တပ်ကလူတွေပါပဲ။ ဒါ့ကြောင့် ဦးသိန်းစိန် အစိုးရကို စစ်အစိုးရလို့ကျနော်တို့က ခေါ်နေတာဖြစ်ပါတယ်။ အဲဒီထွေအုပ်တွေကို မင်းတို့ အုပ်ချုပ်ရေးမှာ ဝင်မပါနဲ့ အရွေးကောက်ခံ ပြည်နယ် အစိုးရ တိုင်းဒေသကြီး အစိုးရတို့ကပဲ အုပ်ချုပ်ပါစေလို့ သမ္မတကြီးဒေါ်စုကပြောပြီဆိုပါစို့။ စစ်အာဏာရှင် မင်းအောင်လှိုင်က လက်ခံမယ်ထင်ပါသလား။ လက်မခံရင် ဒေါ်စုဘာလုပ်မယ်ထင်ပါသလဲ။ ကေအိုင်အေတို့၊ ယူဒဗလျူအက်စေတို့ ကေအန်ယူတို့လာကြဟေ့။ မင်းအောင်လှိုင်တို့တပ်တွေကို တိုက်ထုတ်ပစ်လိုက်စမ်းလို့ ပြောမယ်ထင်ပါသလား။ ကျနော်တော့ မထင်ဘူးဗျာ။

ကဲ..ကဲ… အဲဒါတွေ မရရင်လည်း ရှိစေတော့။ ကျန်းမာရေးလေးတော့ ပြုပြင်ကြဦးစို့။ ကျန်းမာရေးပိုင်းကိုရော စစ်တပ်သဘောမတူတာတွေကို ဒေါ်စုက လုပ်လို့ရမယ်ထင်ပါသလား။ အခုလောလောဆယ်မှာ ကျန်းမာရေးဦး စီးဌာနမှာ စစ်တပ်ကအရာရှိတွေကိုခန့်ထားလိုက်တာ ဘာကြောင့်ထင်ပါသလဲ။ အဲဒါကြိုတင်ပြင်ဆင်တာပါ။ စစ်တပ်ကလူတွေက နေရာဦးထားတာပါ။ စစ်တပ်ကလူတွေကို ကျော်ပြီး ဒေါ်စုဒါမှ မဟုတ် အရပ်သားအစိုးရက ဘာမှ လုပ်လို့မရအောင် နေရာအဆင်သင့်ယူထားတာပါ။

ကောင်းပြီ။ ဒါဆိုရင် တိုင်းပြည်ထဲမှာ ဆူဆူပူပူဖြစ်နေတဲ့ ရိုဟင်ဂျာပြဿနာကို ဒေါ်စုကိုင်တွယ်တော့မယ် ဆိုပါတော့။ လဝကကို ဒေါ်စုကိုင်လို့ရပါ့မလား။ လဝကထဲမှာ တပ်ကလူတွေ ထည့်ထားပြီးတာ ကြာလှပါပကော။ လဝကထဲကို စစ်တပ်ကလူတွေပို့ပြီးမှ၊ ရဲချုပ်ဗိုလ်ချုပ်ခင်ရီကို လဝကဝန်ကြီးလုပ်ခိုင်းပြီးမှ လူမျိုးရေး၊ ဘာသာရေး ပဋိပက္ခတွေကို စနစ်တကျ ဖန်တီး အကောင်ထည်ဖော်ခဲ့တာပါ။ ဘဏ္ဍာအခွန်မှာလည်း စစ်တပ်ကလူတွေရောက်နှင့်နေပြီပဲ။ ဘယ်ဌာနမှာ စစ်တပ်ကလူတွေ စီးမထားတာရှိသလဲ။

ကဲ…မြန်မာ့အလင်း၊ ကြေးမုံ၊ မြန်မာ့အသံတို့ကိုကြည့်ရအောင်။ မင်းတို့တတွေ အစိုးရပါးစပ်လုပ်လာတာကြာပြီ။ ဖေကံကောင်းတို့၊ စောလှထွန်းတို့၊ တက္ကသိုလ်မြတ်သူတို့နဲ့ ငါ့ကိုဆော်လာတာ တသက်လုံးပဲ။ အခုငါသမ္မတဖြစ်ပြီ။ ကြံ့ဖွတ်ပါတီ မကောင်းကြောင်းတွေ ရေးစမ်းကွာဆိုရင် ရမယ်ထင်သလား။ မြန်မာ့အလင်း၊ ကြေးမုံ၊ မြန်မာ့အသံရဲ့ ဒါရိုက်တာအဖွဲ့အကုန်လုံးက စစ်သားတွေချည်းပဲ။ ကုန်ကုန်ပြောရရင် မန်နေဂျာအဆင့်အထိ စစ်သားတွေချည်းပဲ။ ကဲ…မြန်မာ့အလင်း၊ ကြေးမုံက သမ္မတဒေါ်စုကိုင်တာခံမလား။ ဗိုလ်မင်းအောင်လှိုင်ကိုင်တာ ခံမလား။ ဘယ်လိုထင်လဲ။

ဒါ….သဘာဝမကျတဲ့ကိစ္စပဲ။ ကဲ…အဲဒီစစ်တပ်ကလူတွေကိုဖြုတ်ပစ်စမ်းကွာ။ ရမယ်ထင်သလား။ မင်းအောင်လှိုင်က လက်ပိုက်ကြည့်နေမယ်ထင်သလား။

ဌာနတိုင်း၊ ဌာနတိုင်းမှာ စစ်ဗိုလ်တွေစီးထားတယ်။ အဲဒါနဲ့ မလုံလောက်သေးဘူးထင်လို့ အတွင်းဝန်စနစ်ကို မကြာခင်တုန်းက စတင်အသက်သွင်းလိုက်တယ်။ ဝန်ကြီးဆိုတာ ၅ နှစ်သက်တမ်းပဲ ခံမယ့်လူ။ အတွင်းဝန်က တသက်လုံးရှိမယ့်လူ။ အဲဒီအတွင်းဝန်တွေဟာ ဘာတွေလဲ။ မိတ်ဆွေတို့ သတိထားကြည့်မိကြသလား။ အတွင်းဝန်အားလုံးနီးပါးဟာ စစ်ဗိုလ်တွေချည်းပဲ။

တနိုင်ငံလုံးကို စစ်တပ်ကစီးထားပြီးပြီ။ တက္ကသိုလ်တွေ ကျောင်းတွေဆိုလည်း ကြည့်ဦး။ စစ်တပ် တက္ကသိုလ်တွေ ပွားထားပြီးပြီ။ နိုင်ငံတော်ယန္တရားအားလုံးဟာ စစ်ယန္တရားတွေချည်းဖြစ်နေပြီ။ အဲဒီ စစ်ယန္တရားတွေရဲ့ အထက်မှာ တိုင်းပြည်ရဲ့ တကယ့်ထိပ်သီး၊ တကယ့်အာဏာရှင်စစ်စစ်ဆိုတဲ့ ကာကွယ်ရေးဦး စီးချုပ်ဆိုတာကလည်း ဘယ်သူမှ ထိမရ၊ တို့မရတဲ့သူအဖြစ် အခြေခံဥပဒေက အကာအကွယ်ပေးထားတယ်။ ဖွဲ့စည်းပုံအခြေခံဥပဒေမှာ သမ္မတကို ဘယ်လိုဖြုတ်ချရမယ်ဆိုတာကိုသာ ရေးထားတယ်။ ကာကွယ်ရေး ဦးစီးချုပ်ကို ဘယ်လိုဖြုတ်ချရမလဲဆိုတာ ရေးမထားဘူးဆိုတာကို မိတ်ဆွေတို့ သတိပြုမိကြပါသလား။ တကယ့် အစိုးရဟာ စစ်အာဏာရှင် အစိုးရ၊ တကယ့် အာဏာရှင်ဟာ ကာကွယ်ရေး ဦးစီးချုပ်၊ အရပ်သားအစိုးရ ဘယ်သူဖြစ်ဖြစ် တက်လာရင် တိုင်းပြည်ကိုမောင်းနှင်မယ့်သူဟာ ကာကွယ်ရေးဦးစီးချုပ်သာ ဖြစ်ပါတယ်။

လက်ပံတောင်းကိစ္စကို လယ်သမားတွေက ဆန္ဒပြပြီဆိုပါတော့။ စစ်တပ်ကပစ်ခဲ့ရင် ဒေါ်စုဘာလုပ်မလဲ။ ရဲက ပစ်ခဲ့ရင် ဒေါ်စုဘာလုပ်မလဲ။ ဘာလုပ်နိုင်မယ်လို့ ထင်ပါသလဲ။ မြန်မာနိုင်ငံရဲ့ သယံဇာတတွေကို မောင်ပိုင်စီးထားတာ ဘယ်သူတွေလဲ။ စစ်ကျွန်ခရိုနီတွေရယ်၊ စစ်ဆွေစစ်မျိုးတွေရယ်၊ ဦးပိုင်ရယ်၊ MEC ရယ်ပါ။ ဒါကတော့ ပြည်သူပြည်သားတွေအပေါ်မှာ ခေါင်းပုံဖြတ် အမြတ်ထုတ် မတရားလုပ်နေတာပဲ။ ဦးပိုင်နဲ့ MEC ကိုဖျက်စမ်းလို့ သမ္မတကြီး ဒေါ်စုက အမိန့်ပေးပြီဆိုပါတော့ စစ်အာဏာရှင်တွေက ခံမယ်ထင်ပါသလား။ စစ်အာဏာရှင်တွေက မခံရင် ဒေါ်အောင်ဆန်းစုကြည်က လူထုအားကို စုစည်းပြီး လူထုအားနဲ့ မတရားမှုကို ရဲရဲရင့်ရင့် ဦးဆောင်တော်လှန်သွားမယ်လို့ထင်ပါသလား။ ကျနော်တော့ မထင်ဘူး။ လူထုမနာအောင် အညံ့ခံလိုက်ကြပါလို့ပဲ ပြောမယ်ထင်ပါတယ်။

၂၀၀၈ ဖွဲ့စည်းပုံအခြေခံဥပဒေဆိုတာ ဘာလဲ။ ၂၀၀၈ အခြေခံဥပဒေဆိုတာက ရွေးကောက်ပွဲကို ဟန်ပြလုပ်ပေးထားတယ်။ ရွေးကောက်ခံတွေကို လွှတ်တော်ကြီးဆောက်ပေးပြီး ငြင်းကြခုန်ကြရန်ဖြစ်ကြဖို့ နေရာပေးထားတယ်။ ရွေးကောက်ခံတွေကို ပြည်နယ်အစိုးရ၊ တိုင်းဒေသကြီး အစိုးရနာမည်ခံခိုင်းထားတယ်။ တကယ့်အစိုးရတရပ်ကိုတော့ အဲဒီနာမည်ခံ ဟန်ပြတွေရဲ့ အောက်မှာ လျှို့ဝှက်မြုပ်နှံပြီးဖွဲ့ထားတယ်။ အဲဒီအစိုးရကို စစ်တပ်နဲ့ချည်းဖွဲ့ထားတယ်။ လှေကြီးပေါ်မှာ လှေငယ်တင်ထားတယ်။ အစိုးရအတွင်းသားထဲမှာ အစိုးရတရပ်ကို မြှုပ်နှံထားတယ်။ အဲဒီအစိုးရဟာ အသားထဲကလောက်ပဲ။ အရွေးကောက်ခံ အစိုးရကသာ ငါးနှစ်တခါ သက်တမ်းကုန်ပြီး ပြောင်းသွားမယ်၊ အသားထဲကလောက်ကတော့ ခန္ဓာပြောင်းပြီး ရှင်သန်နေမှာပဲ။ ရွေးကောက်ခံတွေက ငါးနှစ်တခါ ဝင်လာ၊ ငြင်းခုန်လိုက်၊ ဝတ်ကောင်းစားလှလေးတွေဝတ်ပြီး ကြွားဝါပြီး ပြန်ဆင်းသွားချိန်မှာ စစ်တပ်အစိုးရက ရာသက်ပန်အုပ်ချုပ်နေနိုင်အောင်လုပ်ထားတာဟာ ၂၀၀၈ အခြေခံဥပဒေရဲ့ အနှစ်သာရပဲ။

တကယ်လို့ ဒီချုပ်အနိုင်ရပြီးနောက်မှာ လစ်ဘရယ်ဒီမိုကရေစီထူထောင်ချင်တယ်ဆိုရင် ဦးပိုင်၊ MEC တို့က တိုင်းပြည်သယံဇာတအားလုံး အပိုင်စီးထားတာကို ဖျက်သိမ်းရမယ်။ တနိုင်ငံလုံးကိုထွေအုပ်ကမတရားအုပ် ချုပ်နေတာကို ဖယ်ရမယ်။ ဦးစီးဌာနတွေထဲမှာ သူလျှိုတွေလို ထည့်ထားတဲ့ စစ်ဗိုလ်စစ်သားတွေကို ဖယ်ထုတ်ရမယ်။ အစိုးရရုံးတိုင်းကို အုပ်စီးထားတဲ့ စစ်ဗျူရိုကရက် အတွင်းဝန်တွေကို ဖယ်ရှားရမယ်။ ဒါတွေ မလုပ်နိုင်ရင် စစ်အာဏာရှင်စနစ်ကို မဖျက်သိမ်းနိုင်ဘူး။ ဒါတွေရှိနေသမျှ ဘာဒီမိုကရေစီမှ လုပ်လို့ မရဘူး။

အဲဒါမျိုးတွေကို အရပ်သားအစိုးရတရပ်က ဘယ်လိုမှ မလုပ်နိုင်အောင် စစ်အာဏာရှင်တွေဟာ ကတုတ်ကျင်း အဆင့်ဆင့်နဲ့ ကာကွယ်ထားတယ်။ ရှေ့တိုးမရအောင် ဂျမ်းတုံးခုထားတယ်။ အဲဒါတွေကတော့ ဗျူရိုကရေစီ ယန္တရား၊ ကာလုံအဖွဲ့၊ စစ်တပ်၊ ရဲ၊ နယ်လုံ၊ တပ်မတော်သား ၂၅ ရာနှုန်း စတဲ့ ကတုတ်ကျင်းတွေ၊ ဂျမ်းတုံးတွေ ပါပဲ။ အဲဒါတွေအားလုံးကို အာမခံပေးထားတဲ့အရာက ၂၀၀၈ အခြေခံဥပဒေပါပဲ။

အဲဒီကတုတ်ကျင်းတွေ ၊ ဂျမ်းတုံးတွေအားလုံးကိုကျော်ဖြတ်ပြီး နောက်ဆုံးအဆင့်ကိုရောက်လာရင်တော့ စစ်တပ်က အာဏာသိမ်းပါမယ်။ အဲဒါဟာ နောက်ဆုံးအဆင့်ပါ။ ၂၀၀၈ အခြေခံဥပဒေရဲ့ ကတုတ်ကျင်းအဆင့်ဆင့်ကို ဖြတ်ကျော်ပြီး အဲဒီနောက်ဆုံးအဆင့်ထိရောက်ဖို့ဆိုတာကိုက သိပ်ခက်ခဲအောင် စစ်အာဏာရှင်တွေက စနစ်တကျ ပြင်ဆင်ထားပြီးနေပါပြီ။ သူတို့စစ်အာဏာရှင်တွေဟာ နှစ်ပေါင်း ၅၀ ကျော်အာဏာကိုချုပ်ကိုင်လာပြီး နောက်မှာ အာဏာအကြောင်းကို ကောင်းကောင်းနားလည်သွားကြပြီ။ အာဏာဟာ ဘယ်နေရာတွေမှာ ရှိတယ်ဆိုတာကို သူတို့ကောင်းကောင်းနားလည်တယ်။ မနေ့တနေ့ကမှ လွှတ်တော်ထဲဝင်လာတဲ့ အပျော်တမ်းနိုင်ငံရေးသမားတွေ မမြင်နိုင်အောင် အာဏာပုန်းတွေကို ဘယ်လို ဝှက်ပြီး နေရာယူထည့်သွင်းထားရမယ်ဆိုတာကို ကောင်းကောင်းကြီး နားလည်ထားတယ်။ အခြေခံဥပဒေတခုလုံးမှာ အဲသလို အာဏာပုန်းတွေ အများအပြားကို နေရာအနှံ့အပြားမှာ ဝှက်ထည့်ထားပြီးပြီ။ စစ်ဗျူရိုကရေစီယန္တရားကြီးကို ပြီးခဲ့တဲ့ ၅ နှစ်ကာလအတွင်းမှာ အပြီးသတ်တည်ဆောက်ပြီးပြီ။

ဒေါ်အောင်ဆန်းစုကြည်အနေနဲ့ စောစောကပြောသလိုလစ်ဘရယ်ဒီမိုကရေစီ ထူထောင်ချင်ရင် ဦးပိုင် ၊ MEC ဖျက်၊ ထွေအုပ်စနစ်ဖျက်၊ ဦးစီးဌာနထဲက စစ်ဗိုလ်တွေကိုထုတ်၊ စစ်ဗိုလ်အတွင်းဝန်တွေကို ဖြုတ်၊ မြန်မာ့အလင်း၊ ကြေးမုံ၊ MRTV တို့ရဲ့ စစ်ဗိုလ်အုပ်ချုပ်ရေး အားလုံးကို ဖြုတ်၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန ၊ နယ်လုံဝန်ကြီးဌာနတို့ကို အရပ်သားအစိုးရလက်အောက်ပို့၊ ကာလုံကိုဖျက်သိမ်း၊ ကာကွယ်ရေးဦစီးချုပ်ကို သမ္မတလက်အောက်ပို့၊ တပ်မတော်သားကိုယ်စားလှယ် ၂၅ ရာနှုန်းကို ဖျက်သိမ်း အဲဒီအလုပ်တွေကို လုပ်ရလိမ့်မယ်။ အဲဒါတွေကို မလုပ်နိုင်ရင် ဘယ်သူပဲ သမ္မတလုပ်လုပ် ဒီမိုကရေစီ ဖြစ်မလာနိုင်ဘူး။ အဲဒါ စစ်အာဏာရှင်စနစ်ပဲ ဖြစ်မယ်။ အဲဒီသမ္မတဟာလည်း အရုပ်ပဲဖြစ်မယ်။ ဦးသိန်းစိန် အာဏာရှိသလောက် နောက်သမ္မတလည်း အာဏာရှိမယ်လို့ ထင်ရင် သိပ်မှားပါလိမ့်မယ်။ ဦးသိန်းစိန်က သူ့လူမို့ လုပ်ခွင့်ပေးထားတာပါ။

အဲဒီအရာတွေကို မဖျက်သိမ်းနိုင်ဘဲ ဒေါ်အောင်ဆန်းစုကြည် သမ္မတတက်လုပ်ရင် ဘာဖြစ်လာမလဲ။ ဒေါ်အောင်ဆန်းစုကြည်ဟာ သူတို့ပေးထားတဲ့ စစ်ယန္တရားကြီးကို လည်ပတ်မောင်းနှင်ရတဲ့ ယာဉ်မောင်းကြီး ဖြစ်လာပါမယ်။ ဒေါ်အောင်ဆန်းစုကြည် ဦးဆောင်သော စစ်အာဏာရှင်စနစ်ပေါ်ထွန်းလာပါလိမ့်မယ်။ ဒေါ်အောင်ဆန်းစုကြည်မှ မဟုတ်ဘူး။ ဘယ်အရပ်သားမဆို သမ္မတဖြစ်ရင် အဲသလို ကံကြမ္မာမျိုးနဲ့ ရင်ဆိုင်ရမှာ မလွဲဘူး။ အဲဒါတွေ မဖျက်သိမ်းနိုင်ရင် ဘယ်သူသမ္မတဖြစ်ဖြစ် ဘာမှ မထူးဘူး။ အာဏာရှင်စနစ်က အာဏာရှင်စနစ်ပါပဲ။ သိကြားမင်းတက်အုပ်ချုပ်လည်း သိကြားမင်း အုပ်စိုးသော စစ်အာဏာရှင်စနစ် ဖြစ်လာမှာပါ။

ဒါ့ကြောင့် ၂၀၀၈ အခြေခံဥပဒေကို မဖျက်သိမ်းနိုင်ရင် ဒေါ်အောင်ဆန်းစုကြည်သမ္မတဖြစ်ပြီး အစိုးရအဖွဲ့ဖွဲ့နိုင်ရင်တောင်မှ စစ်အာဏာရှင်စနစ်ကို မဖြိုဖျက်နိုင်တဲ့အတွက် အလကားပဲလို့ ကျနော်က ကောက်ချက်ချပါတယ်။ ဒါ့ကြောင့် ၂၀၀၈ အခြေခံဥပဒေအောက်က ရွေးကောက်ပွဲမှာ ကြံ့ဖွတ်ပဲနိုင်နိုင်၊ ဒီချုပ်ပဲ နိုင်နိုင် ဘယ်သူနိုင်နိုင် ဘာမှ မထူးခြားနိုင်ဘူးလို့ ကျနော်ကောက်ချက်ချပါတယ်။ ဒီချုပ် အညစ်ခံရပြီး အနိုင်မရဘူးဆိုရင်တောင် မိတ်ဆွေတို့ ဝမ်းသာသင့်တယ်လို့ ကျနော်ထင်ပါတယ်။ ဘာ့ကြောင့်လဲ ဆိုတော့ ဒီချုပ် အနိုင်ရပြီး ၂၀၀၈ ဆိုတဲ့ လိုဏ်ဂူကြီးထဲကို ဝင်သွားရင် ဒီချုပ်တွေ အာဏာရှင်ဖြစ်သွားတာကို မိတ်ဆွေတို့ ဝမ်းနည်းကြေကွဲစွာတွေ့မြင်လာရဖွယ် အလားအလာတွေရှိနေလို့ပါပဲ။ ဒီလိုဏ်ဂူကြီးဟာ ရုပ်ရှင်ထဲမှာတွေ့ရတဲ့ ဇမ်ဘီဆိုတဲ့ ဖုတ်ကောင်တွေနေထိုင်ရာ လိုဏ်ဂူကြီးနဲ့ တူတယ်။ ဒီလိုဏ်ဂူကြီးကို ဖျက်ဆီးနိုင်မှ လွတ်မြောက်မှု အစစ်အမှန်ကို ရမယ်။ လိုဏ်ဂူကြီးကို အတွင်းထဲဝင်ပြုပြင်မယ်ဆိုတဲ့ စိတ်ကူးနဲ့ ဝင်သွားသူမှန်သမျှဟာ ဇမ်ဘီ ဖုတ်ကောင်အဖြစ်နဲ့သာ ပြန်ထွက်လာကြဖို့ရှိတယ်။

မျက်မှောက်နိုင်ငံရေး အခြေအနေအရ စစ်အာဏာရှင်စနစ်ကို ဆွေးနွေးညှိနှိုင်းပြီး ဖြိုဖျက်နိုင်မယ့်နည်း မရှိတော့ဘူးလို့ ဝမ်းနည်းစွာပြောချင်ပါတယ်။ စိတ်ကူးမယဉ်ကြပါနဲ့တော့။ တိုင်းပြည်နစ်နာလှပါပြီ။ ပြည်သူတွေသေလှပါပြီ။ စစ်အာဏာရှင်စနစ်ကို တော်လှန်ရေးနည်းနဲ့သာဖြိုဖျက်နိုင်ပါမယ်။ လူထုတော်လှန်ရေးသို့မဟုတ် လက်နက်ကိုင် တော်လှန်ရေးနည်းတခုခုကသာ စစ်အာဏာရှင်စနစ်ကို ဖြိုဖျက်နိုင်ပါမယ်။ အခုအချိန်မှာ နိုင်ငံတော်အာဏာကိုသိမ်းပိုက်နိုင်မယ့် လက်နက်ကိုင်တော်လှန်ရေး ဖြစ်ပေါ်ဖို့ မလွယ်သေးပါဘူး။ လူထုတော်လှန်ရေးဟာ အားအထားသင့်ဆုံး တခုတည်းသော နည်းလမ်းဖြစ်တယ်လို့ ဆိုချင်ပါတယ်။

(အားလုံးကြိုက်သလို ရှယ်နိုင်ပါတယ်။ခြွင်းချက်ကတော့ အမေရိကန်ကကိုဇော်ဝင်းရှယ်မယ်ဆိုရင်ဇော်ဝင်း ၈၈ ကျောင်းသားဟောင်း နဲ့ အမေရိကန် ဇော်ဝင်း အတူတူမဟုတ်ကြောင်း ထင်ရှားစွာဖော်ပြပေးစေချင်ပါတယ်။)

ဇော်ဝင်း
၈၈ ကျောင်းသားဟောင်း

Advertisements